சிறிய ஞானோபதேசம்

The Small Catechism

சிறிய ஞானோபதேசம்

மார்ட்டின் லூத்தர்

பொருளடக்கம்

முன்னோட்டம்

முகவுரை

I. பத்துக்கட்டளைகள்

II. விசுவாசப்பிரமாணம்

III. கர்த்தரின் ஜெபம்

IV. ஞானஸ்நானம்

V. பாவ அறிக்கை

VI. கர்த்தரின் பந்தி

நாளாந்த ஜெபங்கள்

கடமைகளின் அட்டவணை

முன்னோட்டம்

ஓவ்வொரு தேவசபைக்கும் ஒவ்வொரு போதகருக்கும் அத்துடன் ஒவ்வொரு கிறிஸ்தவனுக்கும் ஞானோபதேசம் தேவையாக இருக்கின்றது. இயேசு கிறிஸ்துவை விசுவாசிக்கும் நாம் ஒவ்வொருவரும் நாம் எதை விசுவாசிக்கிறோம் என்பதையும் அதைத் தெளிவாகப் பேசவும்; தெரிந்திருக்க வேண்டும்;. வேதாகமத்தின் கட்டளைப்படி நாம் எப்பொழுதும் எம்மில் இருக்கும், நம்பிக்கை அல்லது எதிர்;பார்ப்பைக் குறித்து (1பேதுரு 3:15) எப்பொழுதும் எம்மிடம் விடயங்களைக்;; கேட்கும் நபர்;களுக்கு நாம் கணக்குக் கொடுப்பதற்கு ஆயத்தமாயிருக்க வேண்டும். போதகர்கள் முதல் சிறிய பிள்ளைகள் வரையிலுமான அனைத்து கிறிஸ்தவர்களிடையேயும் கிறிஸ்தவ அடிப்படை, கிறிஸ்தவ போதனை பற்றிய கற்பித்தல் மற்றும் அறிவை மேம்படுத்துவதற்கான சிறந்த வழியாக மார்ட்டின் லூத்தர் இந்தச் சிறிய ஞானோபதேசத்தை அமைத்தார்.

பத்துக் கட்டளைகள், நாம் எப்படி கிறிஸ்தவர்களாக வாழ வேண்டும் என்பதைப் போதிக்கிறது. அத்துடன் எமது தோல்விகளையும் சுட்டிக் காண்பித்து எப்படியாக எமது வாழ்வில் இரட்சகரான இயேசு கிறிஸ்து தேவைப்படுகிறார் என்பதையும் தெளிவாக எமக்கு காண்பிக்கிறது. எமது விசுவாசப்பிரமாணமானது தேவனானவர், பிதா, குமாரன், பரிசுத்தாவியெனப் போதிக்கிறது. நாம் தேவன் செய்தவற்றைக் குறித்தும், தொடர்ந்து செய்பவற்றைக் குறித்தும் விசுவாசிக்க வேண்டும். கர்த்தரின் ஜெபமானது நாம் எப்படி ஜெபிக்க வேண்டுமென்பதை ஆண்டவர் தமது சீஷர்களுக்குக் கற்பித்த விதமாகவே எமக்குக் கற்பிக்கிறது. ஞானோபதேசத்தின் பகுதிகளான ஞானஸ்நானம், பாவஅறிக்கை, கர்த்தரின் பந்தி ஆகியவைகள், ஆண்டவர் எப்படியாக தமது கிருபையால் எம்மை மன்னிக்கிறார் என்பதை விளக்குகிறது. இறுதியாக, லூத்தரின் காலை, மாலை ஜெபங்கள் மற்றும் கடமைகளின் அட்டவணை, வாழ்வின் வௌ;வேறு நிலைக்கான வேதப்பகுதிகளின் தொகுப்பு ஆகியவைகள் கடவுளைப் பிரியப்படுத்தும் விதமாக நாம் எப்படி வாழவேண்டும் என்பதற்கு மதிப்பிட முடியாத ஒரு வழிகாட்டியாகவும் இருக்;கிறது.

நாம்;; இந்த ஞானோபதேசத்தை எப்படியாக உபயோகிக்கலாம்? மார்ட்டின் லூத்தர் இதைக் குறித்து மிகத் தெளிவாகக் கற்பிக்கிறார்;. ஒவ்வொரு குடும்பத்திலும் குடும்பத்தின் தலைவனானவன் இதைத் தனது மனைவி பிள்ளைகளுக்கும் மற்றும் வேலைக்கு அமர்த்தப்பட்டிருக்கும் தனது பணியாளர்களுக்கும் இதைக் கற்பிக்க வேண்டும்;. ஒவ்வொரு சபையிலும் போதகர் தமது சபை மக்களுக்;குக் கற்பித்தல் வேண்டும். அத்துடன் ஒவ்வொரு தனிப்பட்ட நபரும் தனது பங்கிற்கு இதை மனனம் செய்து இந்த ஞானோபதேசத்தை தேவன் முன்பாக அறிக்கையிட வேண்டும்;. சிறிய ஞானோபதேசத்தின் கற்பித்தல்கள் மிகவும் அடிப்படையானதாக இருப்பினும், வாழ்வு தரும் இவ்வார்த்தைகளை நமக்கு நாமே நினைவுபடுத்துவது முடியாத காரியமாக இருக்கிறது.

சபைகளுக்குத் தனிப்பட்ட விஜயங்களை மேற்கொண்டபோது ஞானோபதேசத்திற்கான பாரிய தேவைப்பாட்டினைக் குறித்து தனது காலத்திலே மார்ட்டின் லூத்தர் கண்டறிந்தார். “ஒரு சாதாரண மனிதன் விசேடமாக கிராமப்புறங்களில்; உள்ளவர்கள் கிறிஸ்தவக் கோட்பாடுகளை அறிந்திருப்பதைக் குறித்து நடைமுறையில் சாத்தியமில்லை. அத்துடன் அநேகமான போதகர்கள் முற்றும் முழுதுமாகக் கற்பிப்பதற்கு தகுதி அற்றவர்களாகவும் கற்பிக்க இயலாதவர்களாகவும் உள்ளனர். ஆனாலும் யாவரும் கிறிஸ்தவர்களாகவும் இருக்கிறார்கள். அவர்கள் ஞானஸ்நானம் எடுத்து மற்றும் இராப்போசனம் பெற்றுமிருக்கிறார்கள். ஆனாலும் அவர்கள் கர்த்தரின் ஜெபம், விசுவாசப்பிரமாணம் அல்லது பத்துக்கட்டளைகளைக் குறித்து அறியாதவர்களாக இருக்கிறார்கள்” என தனது முன்னுரையில் தனது அவதானிப்பைக் குறித்து எழுதியுள்ளார். இந்த ஞானோபதேசமில்லாது போனால் சபைகள் வருந்தத்தக்க நிலைக்குத் தள்ளப்படும். இந்நிலை ஏற்படாமல் தேவன் தடை செய்வாராக!

ஆம், என்னால் உண்மையாகவும் அத்துடன் மிகைப்படுத்தலும் அல்லது சந்தேகம் இல்லாமலும் கூறக்கூடியது என்னவென்றால், நாம்;; லூத்;தரின் சிறிய ஞானோபதேசத்தை அறிந்திருந்து அதை எமது திருச்சபையிலும் எமது வீடுகளிலும் பின்பற்றி வந்தால், எவ்விதமான கலகம், பொறாமை, பிரிவினையென சிறிய விடயத்தையேனும் நாம் காண்பது அரிதானதாகவிருக்கும். அத்துடன் எமது திருச்சபைகள் இந்த இருண்ட உலகிலே அற்புத ஒளியாகப் பிரகாசிக்கும். அப்பொழுது எல்லா மனிதர்களும் இதன் அனல்மூட்டலினாலும் ஆறுதலினாலும் கவரப்படுவார்கள். தேவன் நம்மிடையே இத்தகைய சிறப்பான பணியை உண்டாக்குகிறார்!

அனைத்து கிறிஸ்தவர்களின் நன்மைக்காகவும் விசேடமாக லூத்;;தரன் சபையினருக்காகவும் லூத்தரின் சிறிய ஞானோபதேசப் பதிப்பினை வெளியிடுவதையிட்டு நான் பெருமகிழ்ச்சியடைகிறேன். மேலும் இந்த மொழிபெயர்ப்பானது நம்பிக்கைக்குரியதாகவும், தெளிவுடையதாகவும், புரிந்து கொள்வதற்கு இலகுவானதாகவும், அறிவூட்டலில் நிலைத்திருப்பதற்கான ஆதாரமாகவுமிருப்பதைக் கண்டு கொள்வார்களென நம்புகிறேன். தேவனுடைய கிருபையால் கிறிஸ்துவின் ஒளியானது இந்த இருண்ட உலகின் தற்போதைய கால கட்டத்துக்குள் ஒளி வீசிப் பிரகாசிப்பதாக. இதற்காக நாம் ஜெபிப்போம்.

எட்வர்ட் ஆர்தர் நோமன்
எல்.சி.எம்.எஸ் இறையியல் போதனையாளர், தெற்காசியா

கலாநிதி மார்ட்டின் லூத்தரின் முகவுரை

விசுவாசமும் தேவபக்தியுமுள்ள சபைப் போதகர்கள், பிரசங்கிமார்கள் அனைவருக்கும், ஆண்டவராகிய இயேசு கிறிஸ்துவுக்கூடாக கிருபையையும் கருணையையும் சமாதானத்தையும் மார்ட்டின் லூத்தர் அனுப்புகிறார்.

அண்மையில் சபைகளைப் பார்வையிட நான் வந்தபோது துயரமிக்க பரிதாபப்படத்தக்க நிலையை நான் கண்டேன். இதன் நிமித்தமாக இந்த ஞானோபதேசத்தை அல்லது கிறிஸ்தவக் கோட்பாடுகளை சுருக்கமான சாதாரணமான எளிமையான வகையில் எழுதும்படி நான் நெருக்கப்பட்டேன். அன்பான சர்வவல்லமையுள்ள தேவனே எனக்கு துணையளிப்பீராக! நான் பார்த்தவைகள் எவ்வளவு பரிதாபமாக இருந்தன! சாதாரண மனிதன் குறிப்பாக கிராமங்களில் உள்ளவன், கிறிஸ்தவ சித்தாந்தங்கள் குறித்து பெரும்பாலும் அறியாமல் இருக்கிறான். அநேக போதகர்கள் கற்றுக்கொடுக்க முற்றிலும் தகுதியற்றவர்களும் இயலாதவர்களுமாய் இருக்கிறார்கள்.

இது ஒருவர் பேசுவதற்கே வெட்கப்படும்படியான விடயமாக இருக்கிறது. எனினும் அவர்கள் எல்லோரும் தங்களை கிறிஸ்தவர்கள் என்று கூறுகிறார்கள். ஞானஸ்நானம் பெற்றிருக்கிறார்கள். அவர்களுக்கு ஆண்டவருடைய ஜெபம், அப்போஸ்தல விசுவாசப்பிரமாணம் அல்லது பத்துக்கட்டளைகள் ஆகியவற்றைக் கூறத் தெரியாதபோதிலும் பரிசுத்த திருவருட்சாதனத்தை எம்முடன் சேர்ந்து பெற்று மகிழ்கிறார்கள். அவர்கள் காட்டு விலங்குகளைப்போல வாழ்கிறார்கள். இப்போது சுவிசேஷம் வந்திருக்கிறது, கிறிஸ்தவ சுதந்திரத்தை துஷ்பிரயோகம் செய்வதில் கற்றுத் தேர்ந்திருக்கிறார்கள்.

ஓ பேராயர்களே! நீங்கள் உங்கள் பதவிகளுக்குரிய கடமைகளை ஒருகணமேனும் செய்யாமல் வெட்கப்படும்படியாக மக்களை அலைக்களிக்கும் வகையில் புறக்கணித்துள்ளீர்கள், கிறிஸ்துவுக்கு எப்படிப் பதில் கூறப்போகிறீர்கள்? தேவன் பராமரிக்கும்படி உங்களுக்கு ஒப்படைத்த உங்கள் கடமையை ஒருபோதும் நிறைவேற்றாது ஏனைய எல்லாவற்றையும் செய்கிறீர்கள். கிறிஸ்தவ சமயத்தின் சீரழிவிற்கு உங்களின் மீதே குற்றம் சுமத்த வேண்டும். இவ்விடத்தில் உங்கள் தலையின் மேல் தீமை சுமர வேண்டும் என்று நான் விரும்பவில்லை. எல்லா துர்பாக்கியங்களும் உங்களிடத்திலிருந்து ஓடட்டும்! நீங்கள் திருவருட்சாதனத்தை ஒருவகையில் மட்டும் செயற்படும்படி செய்கிறீர்கள். மனித வழிகளை கைக்கொள்ளும்படி வலியுறுத்துகிறீர்கள். ஆயினும் மக்கள் அவர்களுக்கு ஆண்டவருடைய ஜெபம் விசுவாசப்பிரமாணம் பத்துக்கட்டளைகள் அல்லது ஏதாவது ஒரு தேவவசனத்தையாவது தெரிந்திருக்கிறார்களா என்பதைப் பற்றி அக்கறை கொள்ளாமல் இருக்கிறீர்கள். உங்களுக்கு என்றென்றும் ஐயோ, ஐயோ!

ஆகையினால் எனது அன்பார்ந்த சகோதர, சகோதரிகளே கடவுளின் நிமித்தமாக போதகர்களும் பிரசங்கிகளுமாகிய உங்களை வேண்டிக்கொள்வது யாதெனில் நீங்கள் உங்கள் பதவிக்குண்டான கடமைகளை உண்மையாகச் செய்ய உங்களை முழுவதுமாக ஈடுபடுத்திக் கொள்ளுங்கள். அத்தோடு உங்களிடம் ஒப்படைக்கப்பட்ட மக்கள் மீது அனுதாபங் கொள்ளுங்கள். மேலும் கூறப்பட்டதற்கு இணங்கி இந்த ஞானோபதேசம் மக்கள் மனதில் குறிப்பாக இளையோர் மனதில் ஆழமாக பதிய வைக்க எங்களுக்கு உதவி செய்யுங்கள். உங்களால் அதிகம் செய்ய முடியவில்லை என்றால் குறைந்த பட்சம் ஞானோபதேசம் போதனைக்கான பட்டியல்களையும் விளக்க அட்டவணைகளையும் எடுத்துச்சென்று அவற்றை வார்த்தைக்கு வார்த்தையாக பின்வருமாறு மக்களைப் பயிற்றுவித்து கவர்வதற்கு வெட்கப்பட வேண்டாம்.

முதலாவதாக, பிரசங்கியார் பத்துக்கட்டளைகள், கர்த்தருடைய ஜெபம், விசுவாசப்பிரமாணம், திருவருட்சாதனங்கள் முதலானவைகளை பல்வேறு மொழிபெயர்ப்பு உரை மூலங்களையும் அல்லது படிவங்களையும் கொண்டு கற்பிப்பதைத் தவிர்க்க வேண்டும். அவர் ஒரே மொழிபெயர்ப்பை தேர்ந்தெடுத்துக் கொள்ள வேண்டும். அதிலேயே நீடித்திருக்க வேண்டும். முதலாம் ஆண்டிலிருந்து தொடர்ந்து வரும் ஆண்டுகளில் இதையே மாற்றாமல் பயன்படுத்த வேண்டும். இளையோருக்கும் சாதாரண மக்களுக்கும் நிலையான ஒரே முறையில் கற்பிக்கப்பட வேண்டும். ஆசிரியர் இன்று ஒருவிதமாகவும், இன்னுமோர் வருடத்தில் இன்னொரு விதமாகவும் கற்பித்தால் அவர்கள் எளிதாக குழம்பி விடுவார்கள். இதன் பலனாக முந்தின எல்லா முயற்சிகளும் உழைப்பும் வீணாகும். முதலில் கற்பித்ததில் குறை உள்ளதுபோல் எண்ணத் தோன்றும்.

எமது ஆசீர்வதிக்கப்பட்ட திருச்சபைப் பிதாக்கள் இதை நன்கு புரிந்து கொண்டனர். ஆகையினால் எல்லோரும் கர்த்தருடைய ஜெபம், விசுவாசப்பிரமாணம், பத்துக்கட்டளைகள் ஆகியவற்றில் ஒரே முறைமையை நிலையாகப் பயன்படுத்தினர். அவர்கள் கற்பித்ததைப்போல நாமும் இந்த விடயங்களை இளையோருக்கும் சாதாரண மனிதருக்கும் வருடா வருடம் அறிமுகப்படுத்தும்போதும் அல்லது எடுத்தாளும்போதும் ஒரு எழுத்தையும் மாற்றாமலும் அவர்களின் வார்த்தையை ஒருபொழுதும் வேறுபடுத்தாமல் செய்ய வேண்டும். ஒரு வருடம் கற்பித்த ஒரு வார்த்தையை அடுத்த வருடம் மாற்றி விடக்கூடாது.

ஆகையால் நீ விரும்புகிற எந்த முறைமையாவது தேர்ந்தெடுத்துக்கொள். ஆனால் எல்லாக் காலங்களிலும் அதில் நிலைத்திரு. ஒருவேளை நீ கற்றோர்களுக்கும் அறிவுக்கூர்மை படைத்தவர்களுக்கும் பிரசங்கிக்க நேரிட்டால் நீ வார்த்தைகளை உன்னால் முடியும் அளவிற்கு பல்வகை தேர்ச்சி வாய்ந்ததாகவும் சொற்றொடர்களாக மாற்றி உன்னுடைய திறமையை தெளிவுபடுத்தலாம். ஆனால் சிறார்க்கு ஒரே தனித்த நிலையான நிரந்தரமான முறைமையையும் வார்த்தைகளையும் பின்பற்றி, முதலாவது, பத்துக்கட்டளைகள், விசுவாசப்பிரமாணம், கர்த்தருடைய ஜெபம் முதலானவைகளைத் தலைப்பிற்கேற்ப வார்த்தைக்கு வார்த்தை கற்பிக்க வேண்டும். அதனால் அவர்கள் அதை திரும்பக்கூறி மனப்பாடம் செய்ய முடியும்.

இதைக் கற்றுக்கொள்ள மறுக்கிறவர்கள் கிறிஸ்துவை மறுதலிக்கிறார்கள் என்றும் அவருக்கு சொந்தமானவர்கள் அல்ல என்றும் கூறப்பட வேண்டும். திருவருட்சாதனத்தில் அவர்கள் அனுமதிக்கப்படலாகாது அல்லது ஞானஸ்நானத்தில் ஞானப்பெற்றோர்களாக ஏற்றுக்கொள்ளப்படக்கூடாது அல்லது கிறிஸ்தவ சுயாதீனத்துக்குரிய யாதொன்றையும் கையாள இடமளிக்கப்படக்கூடாது. அதற்குப் பதிலாக அவர்கள் போப்புவினிடத்திற்கும் அவருடைய அதிகாரிகளினிடத்திற்கும் ஆம் சாத்தானிடத்திற்கும் கூட திருப்பி அனுப்பத் தூண்ட வேண்டும். அவர்களுடைய பெற்றோரும் மேலாளர்களும் அவர்களுக்கு உணவையும் தண்ணீரையும் மறுக்க வேண்டும் (அவர்கள் இருந்தால் சிறப்பாக மேற்கொள்வர்). இப்படிப்பட்ட முரடர்களை இளவரசர் நாட்டிலிருந்து நீக்கிவிடுவாரென்பதை அவர்களுக்குத் தெரிவிக்கின்றபோது அவர்களும் சிறப்பாக செயற்படுவார்கள்.

நாம் யார் மீதும் கிறிஸ்தவ விசுவாசத்தைத் திணிக்க முடியாதென்றாலும் நாம் மக்களை நீடுறுதியாய் ஊக்குவிக்க வேண்டும். எனினும் அவர்கள் தொழில் செய்து வாழும் சமூகத்தில் எது சரி எது தவறு என எண்ணப்படுகிறது என்பதைத் தெரிந்து கொள்ள உதவ வேண்டும். ஒரு குறிப்பிட்ட பட்டணத்தில் ஒருவன் வாழ விரும்பினால் அதிலுள்ள சிறப்புரிமைகளை அனுபவிக்கவும் வேண்டுமென்றால் அதனுடைய சட்டதிட்டங்களை அறிந்து கைகொள்ள வேண்டும். ஏனென்றால் அவன் ஒரு விசுவாசியாக அல்லது தன்னுடைய இருதயத்திலே தனிப்பட்ட விதமான திருடனாக அல்லது வீணனாக இருந்தாலும் அவன் சட்டம்; தரும் பாதுகாப்பை அனுபவிக்க விரும்புகிறான்.

இரண்டாவதாக, அவர்கள் சிறந்த முறையில் பாடத்தைக் (ஞானோபதேசம்) கற்றுக்கொண்டபின், அவைகள் என்ன கூறுகின்றன என்பதை அறியும் பொருட்டு பொருளைக் கற்பிக்க வேண்டும்இ ஆகவே மறுபடியும் விளக்க அட்டவணைகளோடோ அல்லது உங்களால் தெரிந்து கொள்ளப்பட்ட சுருக்கமான ஒரே சீரான முறைமையைப் பின்பற்றுவதனூடாகவோ அதை மேற்கொள்ள வேண்டும். மேலே கூறியவாறு அதில் ஒரு பகுதியையேனும் மாற்ற வேண்டாம்;. தேவையான நேரத்தை எடுத்துக்கொள்ளுங்கள். எல்லாவற்றையும் ஒரே நேரத்தில் கற்பிக்க வேண்டிய தேவை இல்லையானாலும் ஒன்றன்பின் ஒன்றாக கற்பிக்கவும். முதலாம் கட்டளையின் பொருளை நன்கு புரிந்து கொண்டபின் இரண்டாம் கட்டளைக்குச் செல்லுங்கள்இ அவ்வாறே ஒன்றன் பின் ஒன்றாக கற்பிக்கவும்இ இல்லையென்றால் சமாளிக்க முடியாமல், எதையுமே நினைவில் கொள்ள மாட்டார்கள்.

மூன்றாவதாக இப்படியே அவர்களுக்கு சிறிய ஞானோபதேசத்தைக் கற்பித்தபின் பெரிய ஞானோபதேசத்தை எடுத்து, விரிவானஇ முழுநிறைவான அறிவை அவர்களுக்குக் கொடுக்கவும். இங்கே ஒவ்வொரு கட்டளையையும்இ மன்றாட்டையும்இ அதன் பல்தரப்பட்ட செயற்பாட்டு பகுதியையும், உபயோகங்கள்இ பயன்கள்இ ஆபத்துக்கள் மற்றும் காயங்களையும் மேலும் பெரிதாக விளக்கவும். இதைக் குறித்து எழுதப்பட்ட அநேக புத்தகங்களில் இவை மிகுதியாக விவரிக்கப்பட்டிருப்பதைக் காணலாம். உங்கள் மக்கள் வெகுவாகப் புறக்கணிக்கும் கட்டளைகளை அல்லது பகுதியை குறிப்பாக வலியுறுத்தவும். உதாரணமாக கைவேலைக்காரர்இவியாபாரிகள், விவசாயிகள்இ தொழிலாளர்கள் ஆகியோரிடையே களவை விளக்கும் ஏழாம் கட்டளையை அதிகமாய் வலியுறுத்த வேண்டும். ஏனென்றால் இவர்களில் பலர் உண்மை இல்லாதவர்களாயும், திருடர்களாகவும் உள்ளனர். அப்படியே இளையோருக்கும் சாதாரண மனிதருக்கும் நான்காம் கட்டளையை வலியுறுத்த வேண்டும். ஒழுங்கு உண்மையுள்ளவர்களாயும் கீழ்படிதலுள்ளவர்களாகவும் சமாதானமுள்ளவர்களாகவும் இருக்க அவர்களைத் தூண்ட வேண்டும். அப்படிப்பட்டவர்களை கடவுள் எப்படித் தண்டிக்கிறார் அல்லது எப்படி ஆசீர்வதிக்கிறாறென்று அநேக வேதாகம உதாரணங்களை எப்போதும் காண்பிக்க வேண்டும்.

அதிலும் குறிப்பாக அதிகாரத்தில் உள்ளவர்களுக்கும்இ பெற்றோர்களுக்கும்இ தமது பிள்ளைகளை பாடசாலைகளுக்கு அனுப்புதல்; தொடர்பான கட்டளையைப் பின்பற்ற வலியுறுத்த வேண்டும். பிள்ளைகளுக்கு, அது ஏன் அவர்களின் கடமையாக இருக்கிறது என்றும், அவ்வாறு அவர்கள் செய்யாவிடில் அது எவ்வளவு பயங்கரமான பாவம் என்பதைக் காண்பிக்க வேண்டும். மேலும் அத்தகைய புறக்கணிப்பினால் தேவனுடைய இராஜ்யத்தைiயும் உலகையும் தூக்கியெறிந்து அழிப்பதால், கடவுள் மற்றும் மனிதர்களுக்கும் மிக மோசமான எதிரிகளாகிறார்கள். தங்கள் பிள்ளைகள் போதகர்களாகவும், பிரசங்கிகளாகவும்இ எழுதுவினைஞராகவும் (ஏனைய பதவிகளுக்கு இந்த வாழ்க்கையில் நாமிதை பிரயோகிக்க இயலாது), இன்னும் இவற்றைப் போன்றதற்காகவும் பயிற்சி பெற அவர்கள் உதவாத நிலையானது எவ்வளவு மோசமான தீங்காகும் என்பதைத் தெளிவாகக் காண்பித்து, அதற்காக கடவுள் அவர்களை எவ்வாறு பயங்கரமாகத் தண்டிப்பார் என்பதையும் காண்பிக்கவும். இவைகளைப் பற்றி பிரசங்கிக்கும் தேவை அதிகமாய் இருக்கிறது. (உண்மையாகவே, இதைப்போன்று முக்கியமாகக் கருதப்பட வேண்டிய வேறெந்த தலைப்பையும் குறித்து எனக்குத் தெரியவில்லை.) ஏனெனில் பெற்றோர்களும் அதிகாரத்தில் இருக்கிறவர்களும் இவ்விடயத்தில் வார்த்தையால் கூற இயலாது, பாவம் செய்கிறார்கள். இதனால் பிசாசு பயங்கரமான காரியங்களை நடப்பிப்பதற்கான இலக்கை வைத்துள்ளான் (அவன் ஜெர்மனியை மிகப் பெரிய துன்பத்திற்குள் தள்ளிவிடக்கூடும்).

இறுதியாக, இப்போது போப்புவின் கொடுங்கோன்மை ஒழிக்கப்பட்டு விட்டதால் மக்கள் திருவிருந்துக்குப் போகாமலும் மேலும் அதை மதிக்காமலும் உள்ளார்கள் (பயனற்ற அல்லது தேவையற்றதொன்று). இங்கே மீண்டும் உற்சாகப்படுத்துதல் தேவையாகிறது. ஆயினும், இப்புரிதலுக்கூடாக நாம் எவரையும் விசுவாசத்திற்குள்ளே வந்திடவோ அல்லது திருவருட்சாதனத்தை பெற்றுக்கொள்ளும்படியோ, எவ்விதமான சட்டத்தையோ,
காலக்கெடுவையோஇ இடத்தையோ கட்டாயப்படுத்தக் கூடாது. ஆனால், அவர்கள் தங்கள் சொந்த இசைவுப்படி நம்முடைய வற்புறுத்தலின்றி, தாங்களாகவே போதகர்களாகிய நம்மைஇ திருவிருந்தை தங்களுக்கு அளிக்க வேண்டுமென்பதை வற்புறுத்தும்படியாக நமது பிரசங்கங்கள் அமைய வேண்டும். இவ்வாறு கூறுவதனூடாக இவ்விடயம் மேற்கொள்ளப்படுகிறது: யாராவது ஒருவன் குறைந்தது வருடத்திற்கு நான்கு முறையாவது ஆண்டவருடைய திருவிருந்தில் பங்கு கொள்ள விழையாதவனோ அல்லது விரும்பாதவனோ திருவிருந்தை நிந்திப்பவனாகவும் அவன் கிறிஸ்தவனற்றவனாகவும் அவன் அஞ்சப்படுகிறான். விசுவாசியாதவனும் சுவிசேஷத்தைக் கேட்க விரும்பாதவனுமாகிய ஒருவன் கிறிஸ்தவனாக இல்லாதிருப்பதைப் போலவே அவனும் இருக்கிறானென்று அவனுக்குக் கூறுவதே அவ்வழியாகும். ஏனெனில் கிறிஸ்து ‘இதை விட்டுவிடு’ என்றோ அல்லது இதை இகழ்ச்சி செய் என்றோ கூறவில்லை, ஆனால், “இதிலே பானம் பண்ணும் போதெல்லாம் இதைச் செய்யுங்கள்” என்றே கூறினார். அவர் புறக்கணியாமலும் நிந்திக்காமலும் முழுநிச்சயமாக அதை மேற்கொள்ள விரும்புகிறார். “இதைச் செய்யுங்கள்” என்றார்.

ஒருவன் திருவிருந்தை மிக உயர்வாக மதிக்கவில்லை என்றால் அவன் தனக்கு பாவம் இல்லைஇ மாம்சம் இல்லைஇ பிசாசு இல்லைஇ உலகம் இல்லைஇ மரணம் இல்லைஇ நரகம் இல்லை என்று கூறுவதற்கு ஒப்பானவனாக இருக்கிறான். அதாவது அவன் அவற்றால் மூழ்கடிக்கப்பட்டிருந்த போதிலும். அவன் இவற்றில் ஒன்றையும் நம்புகிறதில்லைஇ அவன் இருமடங்கு பிசாசை உடையவனாயிருக்கிறான். மாறாக அவனுக்கு கிருபைஇ வாழ்க்கைஇ மோட்சம்இ பரலோக இராஜ்யம்இ கிறிஸ்து, கடவுள் அல்லது எந்த நல்ல காரியமும் தேவைப்படுகிறதில்லை. அவனுக்குள் எவ்வளவு தீமை உண்டு, அவனுக்குள் குறைவுபடுகின்ற எவ்வளவு நன்மையான காரியங்கள் அவனுக்குத் தேவைப்படுகிறது என்று கண்டுணர்ந்தானானால் அப்படிப்பட்ட தீமைகளை எதிர்த்து ஏராளமான நன்மைகளை அளிக்கிறதுமான திருவிருந்தை அவன் புறக்கணிக்க மாட்டான். அவனை எந்தவொரு சட்டத்தினாலும் திருவிருந்தில் கலந்துகொள்ள கட்டாயப்படுத்துவதற்ககு அவசியமில்லை. மாறாக, தனது சொந்த விருப்பத்திற்கமைவாக ஆர்வத்துடன் ஓடி வருவதுடன் திருவிருந்தை அவனுக்கு அளிக்கும்படி உங்களை ஊக்குவிப்பதற்கு நிர்ப்பந்திக்கப்படுவான்.

ஆகவே போப் செய்ததைப்போல இதைக் குறித்து எந்தச் சட்டமும் இயற்ற வேண்டாம். திருவிருந்தில் தொடர்புடைய நன்மை – தீமைஇ தேவை – பயன், ஆசீர்வாதம் – ஆபத்து ஆகிய இவைகளைத் தெளிவாக வலியுறுத்த வேண்டும். அப்போது மக்கள் உங்களுடைய வலியுறுத்தல் இல்லாமலேயே தாமாகவே முன்வருவார்கள். ஆனால் அவர்கள் இன்னும் வரவில்லை என்றால் அவர்களைப் போக விடுங்கள், அத்துடன் தங்களுடைய மிகப் பெரிய தேவை மற்றும் கடவுளின் கிருபையுள்ள உதவி இவைகளைப் பற்றிய உணர்வு இல்லாதவர்களாயும் அவர்கள் பிசாசுக்கு சொந்தமானவர்கள் என்று தெரிவித்து விடுங்கள். ஆனால் இந்தக் காரியங்களை வலியுறுத்தத் தவறியும் அல்லது நீங்கள் அதை சட்டமாகவும் அழிவுக்குரியதாகவும் மேற்கொண்டு அதனால் அவர்கள் திருவிருந்தை இழிவாகக் கருதிப் புறக்கணித்தால் அந்தத் தவறு உங்களுடையதாகும். நீங்கள் தூங்கிக்கொண்டும் அமைதியாகவும் இருந்தால் அவர்கள் ஏன் சோம்பேறிகளாய் இருக்கக் கூடாது? ஆகையால் போதகர்களும் பிரசங்கிகளுமாகிய நீங்கள் இதை கவனியுங்கள். நம்முடைய தேவ ஊழியம் போப்புவின் கீழ் இருந்ததை விட இன்று பாராட்டத்தக்க விதமாக வேறுபட்டிருக்கிறது. இப்போது இது கருத்தாழம் மிக்கதும் நலம் விளைவிக்கிறதுமாயுள்ளது. அதன் விளைவாக இப்பொழுது அதுஇ இன்னும் அதிகமான சிரமங்களையும்இ உழைப்பையும்இ ஆபத்தையும் மற்றும் சோதனையையும் உள்ளடக்கியுள்ளது. அத்தோடு கூட உலகத்தினிடமிருந்து குறைவான நன்றியையும்இ வெகுமதிகளையும் அது கொண்டு வருகிறது. ஆனால் உண்மையாக உழைத்தால் கிறிஸ்துவே நமது வெகுமதியாவார். எல்லாக் கிருபைகளின் தந்தையானவர் இம்மாதிரியாக நிறைவு செய்திட எங்களுக்கு உதவி புரிவார். நம்முடைய ஆண்டவராகிய கிறிஸ்துவின் வழியே அவருக்கு துதியும் நன்றியும் என்றென்றும் உண்டாவதாக! ஆமென்.

I. பத்துக்கட்டளைகள்

The Ten Commandments

குடும்பத்தலைவர் இவற்றை எளிய முறையில் தன் வீட்டாருக்கு எவ்விதம் கற்பிக்க வேண்டும்.

முதலாம் கட்டளை:

என்னையன்றி உனக்கு வேறே தேவர்கள் உண்டாயிருக்க வேண்டாம்.

மேலே வானத்திலும், கீழே பூமியிலும், பூமியின்கீழ்த் தண்ணீரிலும் உண்டாயிருக்கிறவைகளுக்கு ஒப்பான ஒரு சொரூபத்தையாகிலும் யாதொரு விக்கிரகத்தையாகிலும் நீ உனக்கு உண்டாக்க வேண்டாம், நீ அவைகளை நமஸ்கரிக்கவும் சேவிக்கவும் வேண்டாம்.

இதன் பொருள் என்ன?

விடை:

நாம் எல்லாவற்றிற்கும் மேலாக கடவுளுக்குப் பயந்து, அவரிடம் அன்பு கூர்ந்து, அவரில் நம்பிக்கையாயிருக்க வேண்டும்.

இரண்டாம் கட்டளை:

உன் தேவனாகிய கர்த்தருடைய நாமத்தை வீணிலே வழங்காதிருப்பாயாக.

இதன் பொருள் என்ன?

விடை:

நாம் தேவனுக்குப் பயந்து அவரிடம் அன்பு கூருவதின் பயனாக அவர் பெயரால் சபிக்காமலும், ஆணையிடாமலும், மாந்திரீகம் மேற்கொள்ளாமலும், பொய் கூறாமலும், அவர் நாமத்தினால் ஏமாற்றாமலும், மாறாக அனைத்துத் தேவைகளின்போதும் அவரை அழைத்து ஜெபித்து, அவரைத் துதித்து, நன்றிகளைச் செலுத்த வேண்டும்.

மூன்றாம் கட்டளை:

ஓய்வுநாளைப் பரிசுத்தமாய் ஆசரிக்க நினைப்பாயாக.

இதன் பொருள் என்ன?

விடை:

நாம் தேவனுக்குப் பயந்து அவரிடம் அன்பு கூருவதின் பயனாக பிரசங்கத்தையும், அவருடைய தேவவார்த்தையையும் நிந்திக்காமல் அதைப் பரிசுத்தமாய் எண்ணி, மகிழ்ச்சியோடு கேட்டு கற்றுக்கொள்ள வேண்டும்.

நான்காம் கட்டளை:

உன் நாட்கள் நீடித்திருப்பதற்கு, உன் தகப்பனையும் உன் தாயையும் கனம்பண்ணுவாயாக.

இதன் பொருள் என்ன?

விடை:

நாம் தேவனுக்குப் பயந்து அவரிடம் அன்பு கூருவதின் பயனாக நம் பெற்றோரையும், பெரியவர்களையும் நிந்திக்காமலும், கோபப்படுத்தாமலும், அவர்களுக்கு அன்பு கூர்ந்து, மரியாதை செலுத்தி, கீழ்ப்படிந்து, சேவை செய்து உயர் ஸ்தானத்தில் அரவணைத்துக் கொள்ளல் வேண்டும்.

ஐந்தாம் கட்டளை:

கொலை செய்யாதிருப்பாயாக.

இதன் பொருள் என்ன?

விடை:

நாம் தேவனுக்குப் பயந்து அவரிடம் அன்பு கூருவதின் பயனாக நாம் அடுத்தவரின் உடலுக்கு சேதமும் தீங்கும் செய்யாமல் அதற்கு மாறாக, நட்புடன் உதவி செய்து, அவரது சரீரம் மற்றும் வாழ்வின் அனைத்துத் சோதனைகளிலும் தேவைகளிலும் தாங்கி வர வேண்டும்.

ஆறாம் கட்டளை:

விபச்சாரம் செய்யாதிருப்பாயாக.

இதன் பொருள் என்ன?

விடை:

நாம் தேவனுக்குப் பயந்து அவரிடம் அன்பு கூருவதின் பயனாக சொல்லாலும் செயலாலும் பரிசுத்தமாகவும் ஒழுக்கமாகவும் வாழ்வதுடன், தம்பதியர் ஒருவரையொருவர் நேசித்து மதித்து நடத்தல் வேண்டும்.

ஏழாம் கட்டளை:

களவு செய்யாதிருப்பாயாக.

இதன் பொருள் என்ன?

விடை:

நாம் தேவனுக்குப் பயந்து அவரிடம் அன்பு கூருவதின் பயனாக அடுத்தவரின் பணத்தையோ, சொத்துக்களையோ எடுத்துக்கொள்ளாமலும் அல்லது மோசடியான ஒப்பந்தங்கள், ஏமாற்றும் வழிகளினூடாக அவற்றைப் பெற்றுக்கொள்ளாமலும், மாறாக, அவருடைய உடைமைகளும் வியாபாரமும் வளர்ந்து பெருகும்படி உதவி செய்து, அவரது செல்வத்தைப் பாதுகாத்து, அவரது நிலையை சிறப்பாக்கிடுங்கள்.

எட்டாம் கட்டளை:

அயலானுக்கு விரோதமாய் பொய்ச்சாட்சி சொல்லாதிருப்பாயாக.

இதன் பொருள் என்ன?

விடை:

நாம் தேவனுக்குப் பயந்து அவரிடம் அன்பு கூருவதின் பயனாக அயலானைக் குறித்துத் தவறான நிலைப்பாடு, வேண்டுமென்றே பொய் கூறாமலும், காட்டிக்கொடுக்காமலும்,அவதூறு கூறாமலும் அல்லது அவர் புகழுக்கு களங்கம் ஏற்படுத்தாமலும் அவரைப் பாதுகாத்து, அவரைக் குறித்து நன்மையாக சிந்தித்துப் பேசி எல்லாவற்றையும் சிறப்பான வழிகளில் விளக்கிக் காணிபிக்க வேண்டும்.

ஒன்பதாம் கட்டளை:

அயலான் வீட்டை இச்சியாதிருப்பாயாக.

இதன் பொருள் என்ன?

விடை:

நாம் தேவனுக்குப் பயந்து அவரிடம் அன்பு கூருவதின் பயனாக அயலானுடைய வீட்டையும் பரம்பரைச் சொத்துக்களையும் அடைகிறதற்கு தந்திர முறைகளைப் பின்பற்றாமலும், சட்ட உரிமைகள், நீதியென பாசாங்கு செய்து அவைகளை அபகரித்துக் கொள்ளாமலும், மாறாக, அவைகள் குறையாது நிலைத்து நிற்க அவருக்கு சகாயமும் உபகாரமும் செய்ய வேண்டும்.

பத்தாம் கட்டளை:

அயலானின் மனைவியையும், அவனுடைய வேலைக்காரனையும், அவனுடைய வேலைக்காரியையும், அவனுடைய எருதையும், அவனுடைய கழுதையையும், அயலானுக்குள்ள யாதொன்றையும் இச்சியாதிருப்பாயாக.

இதன் பொருள் என்ன?

விடை:

நாம் தேவனுக்குப் பயந்து அவரிடம் அன்பு கூருவதின் பயனாக அடுத்தவருடைய மனைவி, வேலைக்காரரை விரோதமாக மாற்றல், வசீகரித்தல் அல்லது கடத்தல், அல்லது மிருகங்களை அவரிடமிருந்து விலக்கி வைத்தல் போன்றவற்றை மேற்கொள்ளாது, மாறாக, அவரவர் கடமைகளை அக்கறையுடன் மேற்கொண்டு அவருடனே நிலைத்திருக்கச் செய்ய ஊக்குவித்தல் வேண்டும்.

கட்டளைகளின் முடிவுரை:

இவ்வனைத்துக் கட்டளைகளையும் குறித்துக் தேவன் என்ன கூறுகிறார்?

விடை:

யாத்ராகமம் 20:5-6 இல் அவர் இவ்வாறு கூறுகிறார்:

உன் தேவனாகிய கர்த்தராயிருக்கிற நான் எரிச்சலுள்ள தேவனாயிருந்து, என்னைப் பகைக்கிறவர்களைக் குறித்துப் பிதாக்களுடைய அக்கிரமத்தைப் பிள்ளைகளிடத்தில் மூன்றாம் நான்காம் தலைமுறை மட்டும் விசாரிக்கிறவராயிருக்கிறேன். ஆனால், என்னிடத்தில் உறுதியாக அன்பு கூர்ந்து, என் கற்பனைகளைக் கைக்கொள்ளுகிறவர்களுக்கோ ஆயிரம் தலைமுறைமட்டும் இரக்கஞ் செய்கிறவராயிருக்கிறேன்.

இதன் பொருள் என்ன?

விடை:

தேவன் தாம் அருளிச்செய்த இந்த பத்து கட்டளைகளை மீறி நடக்கிற எல்லோரையும் தண்டிப்பேனென்று எச்சரிக்கிறார். ஆகையால் நாம் அவருடைய கோபத்திற்குப் பயந்து இந்தக் கட்டளைகளுக்கு எதிராக நடக்காமலிருக்கக் கடவோம். ஆனால் இந்தக் கட்டளைகளை கைக்கொள்ளும் அனைவருக்கும் அவர் கிருபையும் சகல ஆசியையும் செய்வேனென்று உறுதி கூறுகிறார். ஆகையால் நாம் அவரிடம் அன்புகூர்ந்து, நம்பிக்கையாயிருப்பதுடன் ஆர்வத்துடனும், விடாமுயற்சியுடனும் நமது முழுவாழ்க்கையையும் அவருடைய கட்டளைகளுக்குக் கீழ்ப்படிந்து நடப்போமாக.

II. விசுவாசப்பிரமாணம்

The Creed

குடும்பத்தலைவர் இவற்றை எளிய முறையில் தன் வீட்டாருக்கு எவ்விதம் கற்பிக்க வேண்டும்.

முதலாம் பிரிவு

படைப்பு

பரலோகத்தையும் பூலோகத்தையும் படைத்த சர்வ வல்ல பிதாவாகிய தேவனை விசுவாசிக்கிறேன்.

இதன் பொருள் என்ன?

விடை:

தேவன் என்னையும் சகல உயிரினங்களையும் உண்டாக்கி எனக்கு சரீரத்தையும் ஆத்துமாவையும் கண்கள், காதுகள் முதலான சகல அவயவங்களையும், புத்தியையும் சகல திறமைகளையும் அளித்து இப்போதுவரைக் காத்து நடத்தி வருகிறாரென்று விசுவாசிக்கிறேன்.
அல்லாமலும் என் சரீரத்திற்கும் ஜீவனுக்கும் வேண்டிய சகல ஆதாரமாகிய உடை, பாதணிகள், உணவு, வீடு வாசல், மனைவி, பிள்ளை, பணித்துறைகள், கால்நடைகள் முதலிய சகல ஆஸ்திகளையும் அவர் எனக்குத் தருகிறார். எனது சரீரம், வாழ்க்கைக்கு வேண்டிய அனைத்துத் தேவைகளையும் பரிபூரணமாகவும் மிகுதியாகவும் அனுதினமும்; வழங்குகிறார். அவர் என்னை, சகல ஆபத்துகளிலுமிருந்து பாதுகாத்து, அனைத்துத் தீமைகளிலிலுமிருந்து மறைத்துத் தற்காத்து வருகிறார். அவர் இவை யாவற்றையும் பிதாவின் தூய தயை, கிருபையினால் யாதொரு தகுதியும் நன்மதிப்புமில்லாத எனக்கு செய்து வருகிறார்.
இவை எல்லாவற்றிற்காகவும் நன்றி செலுத்துபவனாகவும், சத்தமாக அவரைத் துதிக்கவும், ஊழியம் செய்யவும், கீழ்ப்படிந்து நடக்க வேண்டிய கடனாளியாகவுள்ளேன். அவருக்கு ஊழியஞ்செய்து கீழ்ப்படிந்து நடக்கவும் வேண்டிய கடனாளியாயிருக்கிறேன். இது முற்றிலும் உண்மையானது.

இரண்டாம் பிரிவு

மீட்பு

அவருடைய ஒரே குமாரனும் நம்முடைய ஆண்டவருமாகிய இயேசு கிறிஸ்துவை விசுவாசிக்கிறேன். இவர் பரிசுத்த ஆவியினால் கர்ப்பத்தில் உற்பவித்துக் கன்னிமரியாளிடத்தில் பிறந்து பொந்தியு பிலாத்துவின் கீழ் பாடனுபவித்து, சிலுவையில் அறையுண்டு, மரித்து அடக்கம் பண்ணப்பட்டார். பாதாளத்தில் இறங்கி மூன்றாம் நாள் மரித்தோரிலிருந்து உயிர்த்தெழுந்தார். பரத்துக்கேறி சர்வவல்ல பிதாவாகிய தேவனுடைய வலது பாரிசத்தில் வீற்றிருக்கிறார். அவ்விடத்திலிருந்து உயிருள்ளோரையும் மரித்தோரையும் நியாயந்தீர்க்க வருவார்.

இதன் பொருள் என்ன?

விடை:

பிதாவினிடத்தில் அநாதியாய்ப் பிறந்த மெய்யான தேவனும் கன்னி மரியாளிடத்தில் பிறந்த மெய்யான மனிதனுமாயிருக்கிற இயேசு கிறிஸ்து என் கர்த்தரென்று விசுவாசிக்கின்றேன். ஏனென்றால் சபிக்கப்பட்ட என்னை அவர் பொன்னினாலும் வெள்ளியினாலும் அல்ல அவரின் விலையேறப் பெற்ற தமது பரிசுத்த இரத்தத்தினாலும், குற்றமற்றப் பாடுகளினாலும், மரணத்தினாலும் எல்லாப் பாவங்களிலும் மரணத்திலும் பிசாசினுடைய வல்லமையிலுமிருந்தும் மீட்டுஇ இரட்சித்துக் கொண்டார். அதனால் நான் முழுவதுமாக அவருக்குச் சொந்தமாயிருந்துஇ நித்திய நீதியிலும்இ கபடற்ற உண்மையிலும்இ ஆசீர்வாதத்திலும் அவருடைய இராஜ்யத்திலே அவருக்குக் கீழாக ஊழியம் செய்யும் பொருட்டு, அவர் மரணத்திலிருந்தெழுந்து பிழைத்து சதா காலமும் நித்திய ஜீவனுடன் ஆண்டு கொண்டிருக்கிறார்;. இது முற்றிலும் உண்மையானது.

மூன்றாம் பிரிவு

பரிசுத்தமாக்குதல்

பரிசுத்த ஆவியானவரை விசுவாசிக்கிறேன். பொதுவான பரிசுத்த கிறிஸ்தவ சபையும், பரிசுத்தவான்களுடைய ஐக்கியமும், பாவமன்னிப்பும், சரீர உயிர்த்தெழுதலும், நித்திய ஜீவனும் உண்டென்று விசுவாசிக்கிறேன். ஆமென்.

இதன் பொருள் என்ன?

விடை:

நான் எனது சுய புத்தியினாலும் பலத்தினாலும் என் கர்த்தராகிய இயேசு கிறிஸ்துவை விசுவாசிக்கவும் அவரிடத்தில் வரவும் அவரை அடையவும் இயலவே இயலாது. ஆகையால் பரிசுத்த ஆவியானவர் சுவிசேஷத்தைக் கொண்டு என்னை வரவழைத்து தம்முடைய வரங்களால் என்னை பிரகாசிப்பித்து தூய்மைப்படுத்தி மெய்யான விசுவாசத்தில் நிலைத்திருக்கச் செய்கிறார். இப்படியே அவர் பூமியிலுள்ள முழுக் கிறிஸ்தவ திருச்சபையையும் வரவழைத்து கூட்டிச் சேர்த்து, பிரகாசிப்பித்து பரிசுத்தமாக்கி மெய்யான ஒரே விசுவாசத்திலே இயேசு கிறிஸ்துவினிடத்தில் நிலைத்து நிற்கச் செய்கிறார். அவர் இக்கிறிஸ்தவத் திருச்சபையில் எனக்கும் விசுவாசமுள்ள யாவருக்கும் தினந்தோறும் சகல பாவங்களையும் கிருபையாய் மன்னித்து, நியாயத்தீர்ப்பு நாளிலே எம் அனைவரையும் உயிர்த்தெழச் செய்து, எனக்கும் கிறிஸ்துவை விசுவாசிக்கிற யாவருக்கும் நித்திய ஜீவனை அளிப்பார். இது முற்றிலும் உண்மையானது.

III. ஆண்டவருடைய ஜெபம்

The Lord’s Prayer

குடும்பத்தலைவர் இவற்றை எளிய முறையில் தன் வீட்டாருக்கு எவ்விதம் கற்பிக்க வேண்டும்.

பரமண்டலங்களில் இருக்கிற எங்கள் பிதாவே.

இதன் பொருள் என்ன?

விடை:

இச்சிறிய அறிமுகத்தினூடாக அவர் நம்முடைய மெய்யான பிதாவெனவும் நாம் அவருடைய மெய்யான பிள்ளைகளென்றும் விசுவாசிக்கும்படி நம்மைக் கனிவாக அழைக்கிறார். ஆகையால், அன்பான பிள்ளைகள் தேவைக்காக பெற்றோரிடம் நம்பிக்கையுடன் வினவுவதைப்போல், நாமும் முழுமையான உறுதியான நம்பிக்கையுடன் அழைக்கலாம்.

முதலாம் மன்றாட்டு

உம்முடைய நாமம் பரிசுத்தப்படுவதாக.

இதன் பொருள் என்ன?

விடை:

தேவனின் நாமம் நிச்சயமாக தன்னில்தானே பரிசுத்தமானது, ஆனால் இது நம்மிடையேயும் பரிசுத்தமாக நிலைத்திருக்க வேண்டுமென இம்மன்றாட்டில் ஜெபிக்கிறோம்.

இதை எவ்வாறு மேற்கொள்ள முடியும்?

விடை:

தேவனது வார்த்தை உண்மையாகவும், தூய்மையாகவும் கற்பிக்கப்படும்போதும், தேவனின் பிள்ளைகளாகிய நாம், அவ்வார்த்தையின்படியே தூயவாழ்க்கை வாழ்கிறோம். பரத்திலிருக்கும் எங்கள் அன்பான பிதாவே, இதைச் செய்ய எங்களுக்கு உதவும்! ஆனால் யாரொருவர் கடவுளின் வார்த்தையின் கற்பித்தலுக்கு முரண்பாடாக போதிக்கிறாரோ அல்லது வாழ்கிறாரோ அவர், நம் மத்தியில் தேவனுடைய நாமத்தை நிந்திக்கிறவராக இருக்கிறார். தயையுள்ள பரம பிதாவே நாங்கள் இவற்றைச் செய்யாதபடிக்கு எங்களைப் பாதுகாத்தருளும்!

இரண்டாம் மன்றாட்டு

உம்முடைய இராஜ்யம் வருவதாக.

இதன் பொருள் என்ன?

விடை:

நமது மன்றாட்டு இல்லாமலேயே தேவனுடைய இராஜ்யம் வருகிறது. ஆனால், அது நமக்குள்ளேயும் வரவேண்டுமென்று இந்த மன்றாட்டில் ஜெபிக்கின்றோம்.

இதை எவ்வாறு மேற்கொள்ள முடியும்?

விடை:

நாம் தேவனுடைய தூய வார்த்தையிலே நம்பிக்கை கொண்டு, இங்கே நம் உலக வாழ்விலும் அங்கே நித்திய வாழ்விலும் கடவுள் பற்றுடைய வாழ்க்கையை நாம் வாழத்தக்கதாக பரமபிதாவுடைய கிருபையினாலே அவர் நமக்கு பரிசுத்தாவியை அருளுகிறார்.

மூன்றாம் மன்றாட்டு

உம்முடைய சித்தம் பரமண்டலத்திலே செய்யப்படுகிறது போல பூமியிலேயும் செய்யப்படுவதாக.

இதன் பொருள் என்ன?

விடை:

நன்மையும் கிருபையுமான தேவனின் சித்தம் நாம் மன்றாடாமலே செய்யப்படுகிறது. ஆனால் அது நம்மிலேயும் செய்யப்பட வேண்டும் என்று இந்த மன்றாட்டிலே ஜெபிக்கிறோம்.

இதை எவ்வாறு மேற்கொள்ள முடியும்?

விடை:

தேவனுடைய நாமத்தை தொழுதுகொள்ளவும், தேவனுடைய இராஜ்யம் நம்மிடம் வருவதைத் தடுக்கவும் நம்மைத் தூண்டிவிடும் பிசாசின் திட்டம், உலகம், நம்முடைய மாம்சம் ஆகியவற்றைத் தடை செய்து உடைக்கிறார். அதன்பின் எமது வாழ்வின் முடிவுப்பரியந்தம் வரை அவரது வார்த்தையிலும் விசுவாசத்திலும் உறுதியாக நிலைத்திருக்க பலப்படுத்துகிறார். இதுவே அவருடைய நன்மையும் கிருபையும் உள்ள சித்தமாகும்.

நான்காம் மன்றாட்டு

எங்களுக்கு வேண்டிய ஆகாரத்தை இன்று எங்களுக்குத் தாரும்.

இதன் பொருள் என்ன?

விடை:

தேவன் தீயவர்கள் உள்ளிட்ட அனைவருக்கும் நம்முடைய மன்றாட்டு இல்லாமலே அன்றன்று வேண்டிய உணவை நிச்சயமாக அளித்து வருகிறார். ஆனால் நன்றியுடன் பெற்றுக்கொள்ளும் அன்றன்றைய ஆகாரத்திற்கான ஆசீர்வாதத்தினை ஒப்புக்கொள்கிறதற்காகவும் இம்மன்றாட்டினூடாக ஜெபிக்கிறோம்.

ஆகாரம் என்பதின் பொருள் என்ன?

விடை:

ஆகாரம் என்பதற்குள் நமது உடலுக்கு ஆதாரமாகவும் தேவையுமாயிருக்கிறவைகள் அடங்கும். உணவு, தண்ணீர், உடை, காலணிகள், வீடு வாசல், துறைகள், கால்நடைகள், பணம், செல்வம், சிறந்த கணவன் அல்லது மனைவி, பிள்ளைகள், நேர்மையான வேலைக்காரர், உண்மையுள்ள அதிகாரிகள், நிலையான அரசு, நல்ல காலநிலை, சமாதானம், உடல் நலம், ஒழுக்கம், நற்புகழ், சிறந்த நண்பர்கள், நம்பிக்கைக்குரிய அயலகத்தார், மற்றும் இதைப் போன்ற அனைத்தும் அடங்கும்.

ஐந்தாம் மன்றாட்டு

எங்கள் கடனாளிகளுக்கு நாங்கள் மன்னிக்கிறது போல எங்கள் கடன்களை எங்களுக்கு மன்னியும்.

இதன் பொருள் என்ன?

விடை:

பரலோகத்திலுள்ள நம் பிதா நமது பாவங்களைப் பாராமலும் அவைகளின் நிமித்தம் நமது விண்ணப்பங்களை மறுக்காமலும் எல்லாவற்றையும் கிருபையாய் கொடுத்தருள வேண்டுமென்று இந்த மன்றாட்டிலே மன்றாடுகிறோம். ஏனென்றால், கேட்கிறவைகளை பெற்றுக்கொள்ள நமக்குத் தகுதியுமில்லை, அவற்றை நாம் சம்பாதித்துக் கொள்ளவுமியலாது. இருப்பினும் அவரது கிருபையினாலும், நன்மையினாலும் நாம் கேட்பதைத் தருவதற்கு அவர் தயாராகவே இருக்கிறார். நாள்தோறும் மிகுதியாய் பாவம் செய்து தண்டனைக்கு மாத்திரமே ஏற்றவர்களாய் இருக்கிறோம். ஆகவே நமக்கு விரோதமாகப் பாவம் செய்கிறவர்களுக்கு உண்மையாய் மன்னித்து மகிழ்ச்சியோடு நன்மை செய்வோம்.

ஆறாம் மன்றாட்டு

எங்களைச் சோதனைக்குட்;படப் பண்ணாதிரும்.

இதன் பொருள் என்ன?

விடை:

தேவன் நிச்சயமாக ஒருவரையும் சோதிப்பதில்லை. ஆனால், பிசாசு, உலகம், மற்றும் நம்முடைய மாம்சம் நம்மை வஞ்சிக்காமலும், மெய்யான நம்பிக்கையை விட்டு விலகி நம்மை ஏமாற்றி மூடநம்பிக்கைகளுக்கும், அவநம்பிக்கைக்கும், விரக்திக்கும், மற்றும் பாரிய குற்றங்கள், தீமைகள் போன்றவற்றிலிருந்து தேவன் நம்மை பாதுகாக்குமாறு இம்மன்றாட்டில் ஜெபியுங்கள். இது போன்ற சோதனைகளால் துன்புறுத்தப்படுகையில் நாம் வீழ்ந்து தோற்று விடக்கூடாது. மாறாக இவற்றிலிருந்து மீண்டு எழுந்து அவற்றை வென்று ஜெயம் எடுக்க வேண்டும்.

ஏழாம் மன்றாட்டு

தீமையினின்று எங்களை இரட்சித்துக்கொள்ளும்.

இதன் பொருள் என்ன?

விடை:

இந்த மன்றாட்டில் அனைத்தினதும் சுருக்கமாக, பரலோகத்திலிருக்கிற நம் பிதா நமது உடலுக்கும்இ ஆன்மாவுக்கும் உடைமைகளுக்கும், புகழுக்கும் ஏற்படுகிற ஒவ்வொரு தீமை மற்றும் ஆபத்திலிருந்து நம்மை மீட்க வேண்டும் என்றும், மரணத்தின் வேளை வரும்போது ஆசீர்வாதமான முடிவினை நமக்கு அளித்து, அவருடைய கிருபையுள்ள நன்மைகளினால் கண்ணீர் எனும் பள்ளத்தாக்கிலிருந்து மீட்டு பரலோகத்தில் தம்முடன் இணைத்துக்கொள்ளுமாறு ஜெபிக்கிறோம்.

என்றென்றும் எப்போதும் உன்னதமான இராஜ்யமும், வல்லமையும், மகிமையும் உம்முடையவைகளாகும்.

ஆமென்.

இதன் பொருள் என்ன?

விடை:

ஆமென் என்பதற்கு இந்த மன்றாட்டுகளை பரலோகத்திலிருக்கிற பிதாவினால் ஏற்றுக்கொள்ளப்படுகிறதென்றும் அவரால் கேட்கப்படுகின்றன என்றும் நாம் உறுதிப்படுத்திக் கொள்வதைப் பொருள்படுத்துகிறது. இவ்வாறு நாம் ஜெபிக்க வேண்டுமென அவரே கட்;டளையிட்டு அவைகளை அவர் கேட்பாரென்றும் வாக்களித்திருக்கிறார். ஆமென் ஆமென் என்றால்: ‘ஆம் ஆம், அப்படியே ஆகுக” என்பது பொருள்.

IV. பரிசுத்த ஞானஸ்நானமாகிய திருவருட்சாதனம் (சாக்கிரமெந்து)

The Sacrament of Baptism

குடும்பத்தலைவர் இவற்றை எளிய முறையில் தன் வீட்டாருக்கு எவ்விதம் கற்பிக்க வேண்டும்.

முதலாவது

ஞானஸ்நானம் என்றால் என்ன?

விடை:

ஞானஸ்நானம் வெறும் தண்ணீரல்ல, அது தேவனின் கட்டளையைப் புரிந்து கொள்வதற்காகவும் தேவனின் வார்த்தையோடு இணைந்ததுமாய் இருக்கிறது.

தேவனின் வார்த்தை என்ன?

விடை:

ஆண்டவராகிய இயேசு கிறிஸ்து மத்தேயு சுவிசேஷத்தில் (28:19) கூறுகிறதாவது:

‘ஆகையால் நீங்கள் புறப்பட்டுப்போய், சகல ஜாதிகளையும் சீஷராக்கி, பிதா குமாரன் பரிசுத்த ஆவியின் நாமத்திலே அவர்களுக்கு ஞானஸ்நானம் கொடுங்கள்”.

இரண்டாவது

ஞானஸ்நானம் என்ன நன்மைகளை அளிக்கிறது?

விடை:

அது பாவமன்னிப்பை செயல்படுத்துகிறது. மரணத்தினின்றும் பிசாசிடமிருந்தும் தப்புவிக்கிறது. தேவனுடைய வார்த்தைகளும் வாக்குத்தத்தங்களும் அறிவிப்பது போல் இதை நம்புகிற எல்லோருக்கும் நித்திய இரட்சிப்பை அளிக்கிறது.

தேவனுடைய அந்த வார்த்தைகளும் வாக்குறுதிகளும் யாவை?

விடை:

ஆண்டவராகிய இயேசு கிறிஸ்து மாற்கு சுவிசேஷத்தில் (16:16) கூறுகிறதாவது:

‘விசுவாசமுள்ளவனாகி ஞானஸ்நானம் பெற்றவன் இரட்சிக்கப்படுவான்; விசுவாசியாதவனோ ஆக்கினைக்குள்ளாகத் தீர்க்கப்படுவான்.”

மூன்றாவது

தண்ணீரால் எப்படி இவ்வளவு பெரிய காரியங்களை செய்ய முடிகிறது?

விடை:

நிச்சயமாக வெறும் தண்ணீர் மட்டும் இவற்றை செய்கிறதில்லை, ஆனால் தேவனின் வார்த்தை தன்ணீரிலும் இருக்கிறது. இத்தண்ணீரில் உள்ள தேவனின் வார்த்தையை நம்புகிற விசுவாசம் இந்தக் காரியங்களைச் செய்கிறது. ஏனெனில் தேவனின் வார்த்தை இல்லையெனில் அது வெறும் தண்ணீராய் இருக்கிறது. அது ஞானஸ்நானம் அல்ல. ஆனால் கடவுளின் வார்த்தையோடு அது ஞானஸ்நானமாக இருக்கிறது. அது ஜீவனையும் பரிசுத்த ஆவியினுடைய புதிதாக்குதலையும் கொடுப்பதாகவுள்ளதாக புனித பவுல் அடிகளார் தீத்து 3:5-8இல் கூறுகிறார்:

‘நாம் செய்த நீதியின் கிரியைகளினிமித்தம் அவர் நம்மை இரட்சியாமல், தமது இரக்கத்தின்படியே மறுஜென்ம முழுக்கினாலும் பரிசுத்தாவியினுடைய புதிதாக்குதலினாலும் நம்மை இரட்சித்தார். தமது கிருபையினாலே நாம் நீதிமான்களாக்கப்பட்டு, நித்திய ஜீவனுண்டாகும் என்கிற நம்பிக்கையின்படி சுதந்தரராகத்தக்கதாக, அவர் நமது இரட்சகராகிய இயேசு கிறிஸ்து மூலமாய், அந்தப் பரிசுத்த ஆவியை நம்மேல் சம்பூரணமாய்ப் பொழிந்தருளினார்.”

நான்காவது

தண்ணீரோடு கூடிய இத்தகைய ஞானஸ்நானம் எதைக் குறிக்கிறது?

விடை:

நம்மில் உள்ள பழைய ஆதாம் ஒவ்வொரு நாளும் உண்டாகும் பாவ உறுத்தலினாலும், மனந்திரும்புதலினாலும், எல்லா பாவங்களோடும், தீங்கான ஆசைகளோடும் மூழ்கி மரிப்பதுடன் தேவன் முன்னிலையில் என்றென்றும் நீதியோடும் தூய்மையோடும் வாழ்வதற்கு மறுபடியும் புதிய மனிதன் ஒவ்வொரு நாளும் வெளிப்பட்டெழுகின்ற வண்ணமாக இருக்க வேண்டும்.

இது வேதத்தில் எங்கே எழுதப்பட்டிருக்கிது?

விடை:

புனித பவுல் ரோம நிருபத்தில் கூறுகிறதாவது (6:4):

‘மேலும் பிதாவின் மகிமையினாலே கிறிஸ்து மரித்தோரிலிருந்து எழுப்பப்பட்டதுபோல, நாமும் புதிதான ஜீவனுள்ளவர்களாய் நடந்து கொள்ளும்படிக்கு, அவருடைய மரணத்திற்குள்ளாக்கும் ஞானஸ்நானத்தினாலே கிறிஸ்துவுடனேகூட அடக்கம் பண்ணப்பட்டோம்”.

V. பாவ அறிக்கை

Confession

பாவ அறிக்கை செய்வதற்கு சாதாரண மக்கள் எப்படி வழிநடத்தப்பட வேண்டும்.

பாவ அறிக்கை என்பது என்ன?

விடை:

பாவ அறிக்கை இரு பகுதிகளைக் கொண்டது:
முதலாவது நாம் நமது பாவங்களை அறிக்கை செய்கிறோம். இரண்டாவது, நாம் பரத்திலிருக்கிற தேவனுக்கு முன் நம் பாவங்கள் மன்னிக்கப்படுகின்றன என்ற உறுதியான நம்பிக்கை கொண்டு, நாம் தேவனிடத்திலிருந்து பெறுவதுபோல சுவிசேஷத்தின் பிரசங்கியார் அல்லது பாவ மன்னிப்பு கேட்கும் குருவிடமிருந்து மன்னிப்பு அல்லது விடுதலையைப் பெறுகிறோம்.

நாம் எத்தகைய பாவங்களை அறிக்கையிட வேண்டும்?

விடை:

நமது பாவங்கள் நமக்கு தெரியாதிருந்தாலும் நாம் ஆண்டவருடைய ஜெபத்தில் செய்வது போல எல்லா பாவக் குற்றங்களுக்காகவும் மன்றாட வேண்டும். ஆனால் குருவின் முன்னால் நமக்குத் தெரிந்த, நம் உள்ளத்தில் உணருகிற பாவங்களை மட்டுமே அறிக்கையிட வேண்டும்.

அவைகள் யாவை?

விடை:

நீங்கள் ஒரு தந்தையா? தாயா? மகனா? மகளா? வீட்டுத்தலைவனா? வீட்டுத்தலைவியா? அல்;லது தொழிலாளியா? நீங்கள் கீழ்ப்படியாமலோ வாய்மையற்றவர்களாகவோ அல்லது சோம்பேறிகளாகவோ இருந்திருக்கிறீர்களா? உங்களுடைய வார்த்தைகளாலும் செயல்களாலும் யாரையாவது புண்படுத்தியிருக்கிறீர்களா? நீங்கள் திருடியிருக்கிறீர்களா? புறக்கணித்திருக்கிறீர்களா? ஏதேனும் பாழடித்திருக்கிறீர்களா? அல்லது யாருக்கும் ஏதாவது தீங்கிழைத்திருக்கிறீர்களா? என ஒவ்வொரு நபரும் பத்துக் கட்டளைகளுக்கேற்ப வாழ்க்கையின் நிலைமையை கருத்தில் கொள்ளவும்.

சாதாரண மக்களுக்கான பாவஅறிக்கையின் சுருக்கமான வடிவம்

பாவத்திற்காக வருந்துகிறவர் இவ்வாறு கூற வேண்டும்:

மரியாதைக்குரிய அன்பார்ந்த குருவே, தேவனின் சார்பாக, எனது பாவ அறிக்கைக்கு செவி சாய்த்து மன்னிப்பினை வழங்குமாறு மன்றாடுகிறேன்.

தொடர்க:

நான் அற்பமான பாவி, நான் அனைத்து பாவங்களுக்கான குற்றாளியென தேவனுக்கு முன்பாக அறிக்கை செய்கிறேன். விசேடமாக நான் ஒரு சேவையாளர், பணிப்பெண்.. ஆயினும், நான் எனது எஜமானனுக்கு விசுவாசமற்ற சேவை அளிப்பதை உமக்கு முன்பாக அறிக்கை செய்கிறேன்; நான் என்ன செய்ய வேண்டும் என்று கட்டளையிடப்பட்டதற்கு ஏற்ப நான் செய்யவில்லை. நான் அவர்களை கோபமூட்டியிருக்கிறேன். சபிக்கவும் காரணமாயிருந்திருக்கிறேன். நான் பல விடயங்களை புறக்கணித்ததால் சேதம் விளைவதற்கு காரணமானேன். நான் என்னுடைய வார்த்தைகளாலும் செயல்களாலும் அவமானப்படுத்தியுள்ளேன். பொறுமையிழந்து என்னுடைய சகாக்களோடு சண்டையிட்டிருக்கிறேன், இல்லத்தலைவியைப் பற்றி முணுமுணுத்து அவளை சபித்திருக்கிறேன். இவை எல்லாவற்றிற்காகவும் நான் வருந்துகிறேன். கிருபைக்காக வேண்டுகிறேன். இனிமேல் அதிக சிறப்புடன் செயல்பட விரும்புகிறேன்.

இல்லத்தலைவன் அல்லது இல்லத்தலைவி கூறுவது:

குறிப்;பாக நான் என்னுடைய குடும்பம் – எனது மனைவி, குழந்தைகளையும், பணியாளர்களையும் தேவனின் நாமம் மகிமைப்படும்படியாக உண்மைத்துவமாக அறிவூட்டவோ, பயிற்சியளித்து வழிநடத்தாமலும் இருக்கிறேனென்று உமக்கு முன்னால் அறிக்கையிடுகிறேன். நான் சாபமிட்டிருக்கிறேன், நான் தேவனுடைய நாமத்தைத் தவறாகப் பயன்படுத்தியிருக்கிறேன். என்னுடைய இழிவான வார்த்தைகளாலும் செயல்களாலும் ஒரு கீழ்த்தரமான முன் உதாரணத்தை ஏற்படுத்தியிருக்கிறேன், நான் என்னுடைய அயலானை புண்படுத்தியும் அவனைப்பற்றி தீமையாயும் பேசியிருக்கிறேன். நான் தவறான நிறைகளையும் அளவீடுகளையும் பயன்படுத்தியிருக்கிறேன். நான் அயலானுக்குப் பொருட்களை ஏமாற்றி விற்றுள்ளேன்.

தேவனின் கட்டளைக்கும் தன் தகுதிக்கும் விரோதமாக வேறெந்த செயல்களை செய்திருந்தாலும் பாவத்திற்காக வருந்துகிறவர் அறிக்கையிட வேண்டும்.

ஆயினும் ஒருவன் இவைகளால் அல்லது இவற்றைவிட கனமான பாவங்களை சுமந்திருப்பதை உணராதிருந்தால் அவன் அதைக் குறித்து எண்ணமுள்ளவனாகவோ அல்லது வேறு பாவங்களை ஆராய்ந்து தேடுகிறதில்லையெனில், பாவஅறிக்கையானது சித்ரவதையை உண்டு பண்ணினாலும், அவனுக்குத் தெரிந்த ஒன்று அல்லது இரண்டு பாவங்களை குறிப்பிட வேண்டும். அதாவது: குறிப்பாக நான் ஒரு தடவை தேவனுடைய நாமத்தை துஷ்பிரயோகப்படுத்தி உள்ளேன்; மீண்டும், நான் ஒரு முறை தகாத வார்த்தைகளை பயன்படுத்தியிருக்கிறேன், நான் ஒரு முறை இதை அல்லது அதைப் புறக்கணித்திருக்கிறேன் என இவ்வாறு அறிக்கையிட்டால் போதும். இவ்வழியில் ஆன்மாவை சமாதானத்திற்கு வழிநடத்த வேண்டும்.

ஆனால் உங்களுக்கு ஒன்றுமே தெரியவில்லையானால் (இது அரிதாக காணப்படுகிறது), குறிப்பாக எதையும் தெரிவிக்க வேண்டாம். ஆனால்இ பாவமன்னிப்பு வழங்கும் குருவுக்கு முன்னால் தேவனிடம் செய்கிற பொதுவான பாவ அறிக்கையின் பேரில் மன்னிப்பைப் பெற்றுக்கொள்ள வேண்டும்.

பிறகு மன்னிப்பு வழங்கும் குரு கூறுவதாவது:

தேவன் உனக்கு இரங்கி உன்னுடைய விசுவாசத்தை பலப்படுத்துவாராக. ஆமென்.

அவர் பாவஅறிக்கை செய்பவரிடம் இவ்வாறு கேட்க வேண்டும்:

நான் கொடுக்கும் பாவ மன்னிப்பு தேவன் வழங்கும் பாவ மன்னிப்பாய் இருக்கிறது என்று விசுவாசிக்கிறாயா?

விடை:

ஆம், குருவே.

பின், ஏற்றுக்கொள்ளும் விசுவாசியிடம் அவர் கூற வேண்டியது:

நீ விசுவாசிக்கிறபடியே உனக்கு ஆகக்கடவது. நம்முடைய ஆண்டவராகிய இயேசு கிறிஸ்துவின் கட்டளைப்படி நான் உன்னுடைய பாவங்களை பிதா குமாரன் பரிசுத்த ஆவியினால் மன்னிக்கிறேன். ஆமென். சமாதானத்தோடு செல்வாயாக.

வேதப்பகுதிகளுக்கூடாக மிகவும் பாதிக்கப்பட்ட மனச்சாட்சி, சோதனைகள் அல்லது நம்பிக்கையின்மை போன்றவற்றால் துயருறுபவர்களின் விசுவாசத்தை அதிகரிக்கும் வகையில் பலப்படுத்தி அவர்களை எவ்வாறு தேற்றுவதென்பதைக் குறித்து குருவானவர் அறிந்து வைத்திருத்தல் வேண்டும். அவர்களின் விசுவாசத்தை பலப்படுத்தவும் பாவ மன்னிப்பு அளிக்கும் குரு கூடுதலான வேதப்பகுதிகளை தெரிந்து கொள்ள வேண்டும். இது கல்வி அறிவற்ற சாதாரண மக்களுக்கேற்றவாறு குழந்தைத்தனமாக அமைக்கப்பட்ட பாவஅறிக்கையின் பொதுவான வடிவமாகும்.

VI. பலிபீடத்தின் திருவருட்சாதனம் (சாக்கிரமெந்து)

The Sacrament of the Altar

குடும்பத்தலைவர் இவற்றை எளிய முறையில் தன் வீட்டாருக்கு எவ்விதம் கற்பிக்க வேண்டும்.

பலிபீடத்தின் திருவருட்சாதனம் என்பது என்ன?

பலிபிடத்தின் திருவருட்சாதனம் என்பது எமது இயேசு கிறிஸ்துவின் மெய்யான சரீரமும் இரத்தமுமாக இருக்கிறது. கிறிஸ்தவர்களாகிய எமக்கு உண்ணவும், குடிக்கவும் நம் ஆண்டவராகிய கிறிஸ்துவால் அப்பத்திலும் திராட்சை இரசத்திலும் கீழ் ஏற்படுத்தப்பட்டதாகும்.

இது எவ்விடத்தில் எழுதப்பட்டிருக்கிறது?

விடை:

தூய சுவிஷேசகர்களாகிய (மத்தேயு 26:26; மாற்;கு 14:22; லூக்கா 22:19) மற்றும் புனித பவுல் (1 கொரி. 11:24) எழுதுகிறதாவது:

நம்முடைய ஆண்டவராகிய இயேசு கிறிஸ்து தாம் காட்டிக்கொடுக்கப்பட்ட அன்று இராத்திரியிலே அப்பத்தை எடுத்து நன்றி செலுத்தி அதைப்பிட்டு தம்முடைய சீஷருக்குக் கொடுத்து கூறியதாவது: ‘இதை வாங்கிப் புசியுங்கள். இது உங்களுக்காக கொடுக்கப்படுகிற என்னுடைய சரீரமாயிருக்கிறது. என்னை நினைவுகூரும்படி இதைச் செய்யுங்கள்”.

அவ்விதமாகவே அவர் போஜனம் பண்ணின பின்பு பாத்திரத்தையும் எடுத்து நன்றி செலுத்தி அவர்களுக்குக் கொடுத்து கூறியதாவது: ‘நீங்கள் எல்லாரும் இதிலே பானம் பண்ணுங்கள்; இது பாவமன்னிப்புண்டாகும்படி அநேகருக்காகச் சிந்தப்படுகிற புது உடன்படிக்கைக்குரிய என்னுடைய இரத்தமாயிருக்கிறது. இதிலே பானம்பண்ணும் போதெல்லாம் என்னை நினைவு கூரும்படி இதைச் செய்யுங்கள்”.

இந்தப் புசித்தலிலும் குடித்தலிலும் உள்ள நன்மை என்ன?

விடை:

‘பாவ மன்னிப்புக்கென்று உங்களுக்காக கொடுக்கப்பட்டதும், சிந்தப்பட்டதும்” என்னும் இவ்வார்த்தைகள் இந்த திருவருட்சாதனத்தில் பாவமன்னிப்பு, வாழ்வு மற்றும் இரட்சிப்பு என்பவை இவ்வார்த்தைகளின் மூலமாக அருளப்படுகின்றன என்பதைக் குறிப்பிடுகின்றன. ஏனெனில்இ எங்கே பாவமன்னிப்பு இருக்கிறதோ அங்கே வாழ்வும் இரட்சிப்பும் இருக்கிறது.

சரீரப்பிரகாரமாக புசித்தலும் குடித்தலும் இவ்வளவு பெரிய காரியங்களை எவ்வாறு செய்கின்றன?

விடை:

புசிப்பதும் குடிப்பதும் இந்தக் காரியங்களை நிச்சயமாக செய்கிறதில்லை. ஆனால், இங்கே எழுதப்பட்ட வார்த்தைகளான ‘உங்களுடைய பாவ மன்னிப்புக்கென்று கொடுக்கப்பட்டதும் சிந்தப்பட்டதும்” என்பதுவே அதை நடப்பிக்கின்றன. சரீர ரீதியான புசித்தலிலும் குடித்தலிலும் சேர்ந்துள்ள இந்த வார்த்தைகளே திருவருட்சாதனத்தின் பிரதானமானவையாகவும், மையமாகவும் இருக்கின்றன. இந்த வார்த்தைகளை யாதொருவன் நம்புகின்றானோ அவன் அது குறிப்பிடும் பாவமன்னிப்பை உடையவனாகிறான்.

இந்தத் திருவருட்சாதனத்தை தகுதியுடையோனாய் பெற்றுக்கொள்கிறவன் யார்?

விடை:

உபவாசம் மற்றும் உடல் ஆயத்தம் முதலானவை நிச்சயமாக சிறந்த புறநிலை பயிற்சியாய் இருக்கின்றன. ஆனால், ‘பாவ மன்னிப்புக்கென்று உங்களுக்காக கொடுக்கப்பட்டதும் சிந்தப்பட்டதும்’ என்னும் வார்த்தைகளில் நம்பிக்கையாய் இருப்பவனே உண்மையில் தகுதியுடையவனாயும் நல்லாயத்தம் உடையவனாயும் இருக்கிறான்.

ஆனால், ஒருவன் இவ்வார்த்தைகளை விசுவாசிக்காவிட்டால் அல்லது இவற்றை சந்தேகப்பட்டால் அவன் தகுதியற்றவனாயும் ஆயத்தமில்லாதவனாயும் இருக்கிறான். ஏனெனில், ‘உங்களுக்காக’ என்னும் வார்த்தையானது எல்லா இதயங்களும் விசுவாசிக்க வேண்டும் என்று எதிர்பார்க்கிறதாயுள்ளது.

தினசரி ஜெபங்கள்

Daily Prayers

குடும்பத்தலைவர் தன் குடும்பத்தாருக்கு காலையும் மாலையும் ஜெபிப்பதற்கு எவ்விதம் கற்றுக்கொடுக்க வேண்டும்.

காலை ஜெபம்

காலையில் நீங்கள் எழுந்திருக்கும்போது பரிசுத்த சிலுவையின் அடையாளத்தை இட்டு கூற வேண்டியது:

பிதா, குமாரன் பரிசுத்த ஆவியின் பெயராலே ஆமென்.

பின்இ முழங்காற்படியிட்டு அல்லது நின்று கொண்டு விசுவாசப்பிரமாணத்தையும் கர்த்தரின் ஜெபத்தையும் ஒப்புவியுங்கள். நீங்கள் விரும்பினால் கீழ்வரும் சிறிய ஜெபத்தையும் கூறலாம்:

என்னுடைய பரலோகப்பிதாவேஇ இந்த இரவில் என்னை எல்லா தீமையிலிருந்தும் ஆபத்திலிருந்தும் பாதுகாத்ததற்காக உமது நேசகுமாரனாகிய இயேசு கிறிஸ்துவின் வழியாய் நான் நன்றியை ஏறெடுக்கிறேன். இந்த நாளிலும் என்னை பாவத்திலிருந்தும் ஒவ்வொரு தீங்கிலிருந்தும் பாதுகாக்கவும் என்னுடைய எல்லாச் செயல்களும், என் வாழ்வும் உம்மை மகிழ்விக்கும்படியாக இருக்கவும் மன்றாடுகின்றேன். நான் உம்முடைய கரங்களில் என்னையும் என் உடல், ஆவி, அனைத்தையும் ஒப்புவிக்கிறேன். பிசாசானவன் என்னை மேற்கொள்ளாதவாறு உம்முடைய பரிசுத்தத்தூதர் என்னுடன் இருப்பாராக. ஆமென்.

பிறகு ஒரு பாடலைப்பாடி, பத்துக்கட்டளைகள் அல்லது உங்களது தியானம் என்ன கருத்தை கூறுகிறதோ அதன்படி மகிழ்ச்சியுடன் உங்களது கடமைகளுக்கு புறப்பட்டுச் செல்லுங்கள்.

மாலை ஜெபம்

மாலை நீ படுக்கைக்குச் செல்லும்போது சிலுவையின் அடையாளத்தை இட்டு கூற வேண்டியதாவது:

பிதா குமாரன் பரிசுத்த ஆவியின் பெயராலே ஆமென்.

பின், முழங்காற்படியிட்டு அல்லது நின்று கொண்டு விசுவாசப்பிரமாணத்தையும் கர்த்தரின் ஜெபத்தையும் ஒப்புவியுங்கள். நீங்கள் விரும்பினால் கீழ்வரும் சிறிய ஜெபத்தையும் கூறலாம்:

என்னுடைய பரலோகப்பிதாவே, இந்த நாளிலே என்னை கிருபையாய் பாதுகாத்ததற்காக உமது நேசக்குமாரனாகிய இயேசு கிறிஸ்துவின் வழியாய் நான் நன்றியை ஏறெடுக்கிறேன்;. என்னுடைய எல்லாப் பாவங்களையும், நான் செய்திருக்கும் தவறுகளையும் நீர் மன்னித்து இந்த இரவில் என்னை கிருபையாய் பாதுகாத்தருளும் என்று உம்;மை நோக்கி மன்றாடுகின்றேன். நான் உம்முடைய கரங்களிலே என்னையும் என் ஆத்துமா, சரீரம் அனைத்தையும் ஒப்புவிக்கிறேன். பிசாசானவன் என்மேல் வலிமை கொள்ளாதவாறு உம்முடைய பரிசுத்தத்தூதர் என்னுடன் இருப்பாராக. ஆமென்.

அதன் பின்பு மகிழ்ச்சியுடன் உறங்கச் செல்லுங்கள்.

தன்னுடைய குடும்பத்தாருக்கு ஆசீர்வாதத்தை கேட்கவும்இ நன்றி கூறவும் குடும்பத் தலைவரானவர் எவ்விதம் கற்பிக்க வேண்டும்.

ஆசீர்வாதத்தை வேண்டல்

குழந்தைகளும் குடும்பத்தின் உறுப்பினர்களும் பயபக்தியோடு உணவு மேசைக்குச் சென்று கரங்களைக் கூப்பிக் கூற வேண்டியது:

ஓ ஆண்டவரே, சகல ஜீவன்களின் கண்களும் உம்மை நோக்கிக் காத்திருக்கின்றன. ஏற்ற வேளையிலே நீர் அவைகளுக்கு ஆகாரம் கொடுக்கிறீர். நீர் உமது கரங்களைத் திறந்து, சகல உயிரினங்களினதும் வாஞ்சையையும் திருப்தியாக்குகிறீர்.

குறிப்பு:

வாஞ்சையானது திருப்தியாக்கப்படுவது என்பதின் அர்த்தம், அனைத்து பிராணிகளும் உண்பதற்கு ஏராளம் உண்டு. அவைகள் மகிழ்ச்சியாகவும், உற்சாகமாக உள்ளவைகளாக இருக்கின்றன. பராமரிப்பும், பேராசையும் இவ்விதமான திருப்தியைத் தடுக்கின்றன.

பிறகு கர்த்தரின் ஜெபத்தையும்இ பின்வரும் ஜெபத்தையும் கூற வேண்டும்:

ஆண்டவராகிய தேவனேஇ பரமபிதாவேஇ எங்களையும் உம்முடைய வளம் நிறைந்த நன்மையிலிருந்து நாங்கள் பெற்றுக்கொள்ளும் உம்முடைய ஈவுகளையும் ஆசீர்வதியும். இயேசு கிறிஸ்துவின் வழியாக ஆமென்.

நன்றி செலுத்துதல்

அப்படியே உணவு உண்ட பின்பு பயபக்தியுடன் கைகளைக் கூப்பிக் கூற வேண்டியது:

கர்த்தரை நன்றியோடு துதியுங்கள், அவர் நல்லவர், அவர் கிருபை என்றென்றுமுள்ளது. மாம்சமான யாவருக்கும் ஆகாரம் கொடுக்கிறார்; அவர் மிருக ஜீவன்களுக்கும் கூக்குரலிடும் காக்கைக் குஞ்சுகளுக்கும் ஆகாரம் கொடுக்கிறார். அவர் குதிரையின் பலத்தில் விருப்பமாயிரார்; வீரனுடைய கால்களில் பிரியப்படார். தமக்குப் பயந்து, தமது கிருபைக்குக் காத்திருக்கிறவர்கள் மேல் கர்த்தர் பிரியமாயிருக்கிறார்.

அதன் பின்பு கர்த்தருடைய ஜெபத்தையும் பின்வரும் ஜெபத்தையும் கூற வேண்டும்:

ஆண்டவராகிய தேவனேஇ பரமபிதாவே உம்மோடும் பரிசுத்த ஆவியோடும் என்றென்றும் வாழ்ந்து ஆண்டு கொண்டிருக்கிற எங்கள் ஆண்டவராகிய இயேசு கிறிஸ்துவின் வழியாய் எங்களுக்கு அருளிய எல்லா நன்மைகளுக்காகவும் உமக்கு நன்றி ஏறெடுக்கிறோம். ஆமென்.

கடமைகளின் பட்டியல்

Table of Duties

பல்வேறு கிறிஸ்தவ சமயப்பணி மற்றும் பதவிகளில் உள்ளவர்களின் கடமைகள் மற்றும் பொறுப்புக்களைப் பற்றி அறிவுறுத்தும் சில வேதப்பகுதிகள்.

பேராயர்கள், ஆயர்கள் மற்றும் பிரசங்கிமார்களுக்கு

‘திருச்சபையின் தலைவனாக இருக்க வேண்டியவன் கட்டாயமாக குற்றம் காணப்படாதவனாயும், ஒரு மனைவியை மட்டும் உடைய கணவனாயும், தெளிந்த புத்தியுள்ளவனாயும், சுயகட்டுப்பாடுள்ளவனாயும், மதிப்புக்குரியவனாயும், உபசரிக்கும் பண்பு உடையவனாயும், கற்பிக்கும் ஆற்றல் உடையவனாயும் இருக்க வேண்டும், அவன் மதுபானவெறி கொள்ளும் பழக்கம் இல்லாதவனாய் இருக்க வேண்டும், கலகக்காரனாக இராமல், கனிவு உடையவனாய் இருக்க வேண்டும், அவன் வாக்குவாதம் செய்யாதவனாயும், பணத்தில் ஆசை கொள்ளாதவனுமாய் இருக்க வேண்டும், அவன் தனது சொந்தக் குடும்பத்தை நல்ல முறையில் நடத்த வேண்டும், அவனது பிள்ளைகள் அவனுக்கு மதிப்புக் கொடுத்து, கீழ்ப்படியும்படி பார்த்துக் கொள்ளவும் வேண்டும்; புதிதாக மனமாற்றம் அடைந்த கிறிஸ்தவனாய் இருக்கக்கூடாது, அவன் திருச்சபையைச் சேராதவர்கள் மத்தியிலும் நற்பெயர் பெற்றவனாயிருக்க வேண்டும்.’ (1 தீமோ 3:1-7)

‘திருச்சபைக்கு பொறுப்பாய் இருக்கும் ஊழியன், இறைவனின் உக்கிராணக்காரனாக இருப்பதால், அவன் குற்றம் காணப்படாதவனாய் இருக்க வேண்டும், அவன் கர்வம் பிடித்தவனாகவோ, முற்கோபம் உள்ளவனாகவோ, மதுபான வெறிக்கு அடிமையானவனாகவோ இருக்கக்கூடாது, அவன் வன்முறையில் ஈடுபடுகிறவனாகவோ, நேர்மையற்ற முறையில் இலாபம் ஈட்டுகிறவனாகவோ இருக்கக்கூடாது, அவன் மற்றவர்களை உபசரிக்கிறவனாகவும், நன்மையை நேசிக்கிறவனாகவும், தன்னடக்கம் உடையவனாகவும், நேர்மையானவனாகவும் இருக்க வேண்டும், அவன் பரிசுத்தம் உள்ளவனாயும், ஒழுக்கமுடையவனாயும் இருக்க வேண்டும், தனக்குக் கற்பித்துக் கொடுக்கப்பட்ட நம்பத்தக்க இந்த செய்தியை உறுதியாய் நம்பியிருக்க வேண்டும், அப்பொழுதோ அவன் நலமான கோட்பாட்டினால் மற்றவர்களை உற்சாகப்படுத்துவான், அதற்கு முரண்பாடாய் இருக்கிறவர்களையும் எதிர்த்துச் சரியானதை எடுத்துச் சொல்வான்.’ (தீத்து 1:7-9).

வசனத்தை கேட்கிறவர்கள் தங்கள் ஆயர்களுக்கு செய்ய வேண்டியவை

‘அப்படியே நற்செய்தியைப் பிரசங்கிக்கிறவர்கள், நற்செய்தி ஊழியத்திலிருந்தே தங்கள் வாழ்க்கைக்குரிய தேவைகளைப் பெற்றுக்கொள்ள வேண்டும் என கர்த்தர் கட்டளையிட்டிருக்கிறார்’ (1 கொரி. 9:14)

‘இறைவனுடைய வார்த்தையைக் கற்றுக்கொள்கிறவர்கள், தங்களுக்கு அதைக் கற்றுக்கொடுக்கிறவர்களுடன், தங்களிடமுள்ள எல்லா நன்மைகளையும் பகிர்ந்து கொள்ள வேண்டும்’. (கலா. 6:6)

‘திருச்சபையை நன்றாய் நடத்தும் மூப்பர்கள் இரட்டிப்பான மதிப்பிற்குரியவர்களாகக் கருதப்பட வேண்டும். விசேடமாக பிரசங்கம் பண்ணுவதிலும், கற்பிப்பதிலும் ஈடுபடும் மூப்பர்களை அப்படி எண்ண வேண்டும், ஏனெனில், “சூடு (தானியத்தை) மிதிக்கும்போது மாட்டின் வாயைக் கட்டாதே” என்றும், “வேலை செய்பவன் தன் கூலியைப் பெற உரிமையுள்ளவன்” என்றும் வேசவசனம் சொல்லுகிறதே.’ (1 தீமோ 5:17-18)

‘உங்கள் தலைவர்களுக்குக் கீழ்ப்படிந்து அவர்களுடைய அதிகாரத்திற்குப் பணிந்து நடவுங்கள். அவர்கள் கணக்குக் கொடுக்க வேண்டியவர்களாக, உங்கள்மேல் (ஆன்மா) கண்காணிப்பு செய்கிறார்கள். அவர்களது வேலை அவர்களுக்கு மகிழ்ச்சியைக் கொடுக்கும். அது ஒரு சுமையாய் (துக்கமாய்) இருக்காது. அவர்களுக்கு அது ஒரு சுமையாயிருந்தால் (துக்கமாயிருந்தால்) உங்களுக்கு ஒரு நன்மையும் ஏற்படாது. எங்களுக்காக மன்றாடுங்கள்.’ (எபி. 13:17-18)

குடியரசு தொடர்பில்

‘அரசாங்கத்தின் அதிகாரத்திற்கு ஒவ்வொருவரும் அடங்கி நடவுங்கள். ஏனெனில் இறைவன் அனுமதிக்காமல் எந்த அதிகாரமும் இருப்பதில்லை. இப்பொழுது ஏற்படுத்தப்பட்டிருக்கிற அதிகார பீடங்கள் இறைவனாலேயே நிலை நிறுத்தப்பட்டு இருக்கின்றன. ஆகையால் அதிகாரத்தை எதிர்த்துக் கலகம் விளைவிக்கிறவன், இறைவன் நியமித்ததையே எதிர்த்துக் கலகம் விளைவிக்கிறான். அவ்விதம் கலகம் விளைவிக்கிறவர்கள் தங்கள் மேலேயே தண்டனையை விளைவித்துக் கொள்கிறார்கள். ஏனெனில், சரியானதைச் செய்கிறவர்கள் ஆளுகை செய்கிறவர்களைப் பார்த்து பயப்பட வேண்டியதில்லை. தீமை செய்கிறவர்களே பயப்பட வேண்டும். அதிகாரத்தில் இருக்கிறவர்களுக்கு நீங்கள் பயப்படாமல் இருக்க விரும்புகிறீர்களா? அப்படியானால் சரியானதைச் செய்யுங்கள். அப்பொழுது அவர்கள் உங்களைப் பாராட்டுவார்கள் (அங்கீகரிப்பர்). ஏனெனில் அவர்கள் அவர்கள் உங்களுக்கு நன்மை செய்யும்படி, இறைவனுடைய பணியாளர்களாயிருக்கிறார்கள். ஆனால் நீங்கள் பிழை செய்தால், அவர்களுக்குப் பயப்படவே வேண்டும். அவர்கள் வாளை வீணாகப் பிடித்துக் கொண்டிருக்கவில்லை. அவர்கள் இறைவனுடைய பணியாட்கள், தீமை செய்கிறவர்களுக்குத் தண்டனை கொடுத்து, இறைவனுடைய உக்கிர கோபத்தை காண்பிக்கும் பிரதிநிதிகள்.’ (ரோமர் 13:1-4)

குடிமக்கள் அதிகாரிகளுக்கு செய்ய வேண்டியவை

‘சீசருடையதை சீசருக்கும், இறைவனுடையதை இறைவனுக்கும் கொடுங்கள்’ (மத். 22:21)

‘ஆகையால் அதிகாரிகளுக்கு அடங்கி நடப்பதே அவசியம். தண்டனை கிடைக்குமே என்பதற்காக மட்டும் அல்ல, நம்முடைய மனசாட்சியின் நிமித்தமும் அப்படியே நடக்க வேண்டும். அதற்காகத்தான் நீங்கள் வரிகளையும் செலுத்துகிறீர்கள். ஏனெனில் அதிகாரத்தில் உள்ளவர்கள் இறைவனுடைய பணியாட்கள். அவர்கள் ஆளுகை செய்யும் பணியில் தங்களது முழு நேரத்தையும் செலவிடுகிறார்கள். நீங்கள் ஒவ்வொருவனுக்கும் கொடுக்க வேண்டியதைக் கொடுங்கள். நீங்கள் வரி செலுத்த வேண்டியிருந்தால் வரியைச் செலுத்துங்கள்;; சுங்கவரி செலுத்த வேண்டுமானால் அதைச் செலுத்துங்கள்; மரியாதை செலுத்த வேண்டுமானால் மரியாதை செலுத்துங்கள். கனம் பண்ண வேண்டுமானால் கனம் பண்ணுங்கள்.’ (ரோமர் 13:5-7)

‘எல்லாவற்றிற்கும் மேலாக ஒவ்வொருவருக்காகவும் விண்ணப்பம் செய்யுங்கள்; மன்றாடுங்கள்; பரிந்து வேண்டுதல் செய்யுங்கள்; நன்றி செலுத்துங்கள். நான் இதையே உங்களிடம் முதலாவதாக வற்புறுத்திக் கேட்கிறேன். அரசர்களுக்காகவும், அதிகாரத்தில் உள்ள எல்லோருக்காகவும் மன்றாடுங்கள். அப்பொழுதே நாம் இறைபக்தியும், பரிசுத்தமும் உள்ளவர்களாய் சமாதானமும், அமைதியும் உள்ள வாழ்வை வாழலாம்.’ (1 தீமோ 2:1-2).

‘ஆளுகை செய்கிறவர்களுக்கும், அதிகாரத்தில் உள்ளவர்களுக்கும் பணிந்திருக்கும்படி மக்களுக்கு ஞாபகப்படுத்து. அவர்களுக்கு கீழ்ப்படியவும், எல்லா நற்செயல்களையும் செய்ய ஆயத்தமாயும், ஒருவரையும் அவதூறாய் பேசாதவர்களாயும், எல்லோருடனும் சமாதானமாய் வாழ்கிறவர்களாயும், கரிசனை உடையவர்களாயும், எல்லா மனிதருக்கும் உண்மையான தாழ்மையைக் காட்டுகிறவர்களாயும் இருக்க வேண்டும் என்றும் ஞாபகப்படுத்து.’ (தீத்து 3:1-2)

‘கர்த்தரின் நிமித்தம் மனிதரிடையே ஏற்படுத்தப்பட்டிருக்கிற எல்லா அதிகாரங்களுக்கும் பணிந்து நடவுங்கள்: மிக மேலான அதிகாரத்திலுள்ள அரசரானாலும் சரி, அல்லது தீமை செய்கிறவர்களைத் தண்டிக்கும்படியும், நன்மை செய்கிறவர்களைப் பாராட்டும்படியும் அரசனால் அனுபப்படுகிற ஆளுநரானாலும் சரி, அவர்களுக்குப் பணிந்து நடவுங்கள். இது இறைவனுடைய திட்டமாய் இருக்கிறது.’ (1பேது.2:13-15)

கணவர்களுக்கு

‘கணவர்களே! அதுபோலவே உங்கள் மனைவியருடன் சரியான புரிந்துணர்வோடு அக்கறையுடன் வாழ்க்கை நடத்துங்கள். அவர்கள் பலவீனமான இயல்புடையவர்களாயும், இறைவனின் மகிமையின் கொடையான வாழ்வை, உங்களுடனேகூட பெற்றுக்கொள்கிறவர்களாயும் இருப்பதனால் அவர்களை மதித்து நடவுங்கள். அப்படிச் செய்தால் உங்கள் மன்றாட்டுக்களுக்கு எவ்வித தடையும் ஏற்படாது.’ (1 பேது. 3:7)

‘கணவர்களே! உங்கள் மனைவிகளில் அன்பாய் இருங்கள். அவர்களுடன் கடுமையாய் நடந்து கொள்ளாதிருங்கள்.’ (கொலோ. 3:19)

மனைவிகளுக்கு

‘மனைவிகளே! நீங்கள் கர்த்தருக்குப் பணிந்து நடப்பதுபோல, உங்கள் கணவர்களுக்கும் பணிந்து நடவுங்கள்.’ (எபே. 5:22)

‘மனைவிகளே! அவ்வாறே நீங்களும் உங்கள் கணவர்களுக்கு பணிந்து அவர்களுடன் ஆலோசித்து நடவுங்கள். …. அவ்விதமாகவே சாராள் ஆபிரகாமைத் தனது ‘எசமான்’ என்று அழைத்து, அவனுக்குக் கீழ்ப்படிந்து நடந்தாள்.’ (1 பேது. 3:1,6)

பெற்றோருக்கு

‘தந்தையரே! உங்கள் பிள்ளைகளைக் கோபமூட்டாதீர்கள்; அவர்களைக் கர்த்தரின் பயிற்சியிலும் அறிவுறுத்தல்களிலும் வளர்த்தெடுங்கள்.’ (எபே. 6:4)

பிள்ளைகளுக்கு

‘பிள்ளைகளே! நீங்கள் கர்த்தரைப் பின்பற்றுகிறவர்களாக உங்கள் பெற்றோருக்குக் கீழ்ப்படியுங்கள். இதுவே சரியானது. “உங்கள் தகப்பனையும் தாயையும் மதித்து நடவுங்கள்”- இதுவே வாக்குத்தத்தத்துடன் சேர்த்துக் கொடுக்கப்பட்ட முதலாவது கட்டளை- “இதைக் கைக்கொள்வதனால் உங்களுக்கு நன்மை உண்டாகும். நீங்களும் இந்தப் பூமியில் நீடித்து வாழ்வீர்கள்.” (எபே 6:1-3)

ஆண், பெண் ஊழியர்கள், பணியமர்த்தப்பட்ட ஆண்கள், தொழிலாளர்களுக்கு

‘அடிமைகளே! இந்தப் பூமியில் உங்களுக்கு எசமான்களாய் இருக்கிறவர்களுக்கு பயத்துடனும் மரியாதையுடனும் கீழ்ப்படியுங்கள். நீங்கள் கிறிஸ்துவுக்குக் கீழ்ப்படிவதுபோல, அவர்களுக்கு உண்மையான மனதுடன் கீழ்ப்படியுங்கள். அவர்களுடைய பாராட்டுதலை மட்டும் பெறுவதற்காக, அவர்கள் உங்களை கவனிக்கும்போது மட்டும் அப்படிக் கீழ்ப்படியாமல், உங்கள் முழு இருதயத்ததோடும் இறைவனுடைய திட்டத்தைச் செய்யும், கிறிஸ்துவின் அடிமைகளைப் போல கீழ்ப்படியுங்கள். நீங்கள் மனிதருக்கு பணி செய்கிறவர்களைப் போலல்லாது, கர்த்தருக்குப் பணி செய்கிறவர்களாக, முழு இருதயத்துடனும் உங்கள் பணியைச் செய்யுங்கள். ஏனெனில் ஒருவன் அடிமையாயினும் சுதந்திரமுடையவனாயினும் அவனவன் செய்கின்ற நன்மைக்குப் பதிலாக, கர்த்தர் ஒவ்வொருவனுக்கும் அதற்குரிய பலனைக் கொடுப்பார் என்பது உங்களுக்குத் தெரியும்.’(எபே. 6:5-8).

அந்தப்படியே கொலோ.3:22-24ஐ பார்க்கவும்

எசமான்கள், எசமாட்டிகள்

‘எசமான்களே! உங்கள் அடிமைகளை நீங்களும் அப்படியே நடத்துங்கள். அவர்களைப் பயமுறுத்த வேண்டாம். நீங்களும் உங்கள் அடிமைகளும் பரலோகத்திலுள்ள ஒரே எசமானுக்கே உரியவர்கள் என்பதையும், அவர் பாரபட்சம் காட்டுகிறவர் அல்ல என்பதையும் நீங்கள் அறிந்திருக்கிறீர்களே.’ (எபே. 6:9)

‘எசமான்களே, உங்கள் அடிமைகளுக்கு சரியானதையும் நியாயமானதையும் கொடுங்கள். ஏனெனில் பரலோகத்தில் உங்களுக்கும் ஒரு எசமான் இருக்கிறார் என்பதை நீங்கள் அறிந்திருக்கிறீர்களே.’ (கொலோ. 4:1)

வாலிபர்களுக்கு

‘இளைஞர்களே! அந்தப்படியே நீங்களும் முதியவர்களுக்கு அடங்கி நடவுங்கள். நீங்கள் எல்லோரும் மற்றவர்களுடன் பழகும்போது மனத்தாழ்மையுடன் நடவுங்கள். ஏனெனில், “இறைவன் பெருமை உள்ளவர்களை எதிர்க்கிறார். மனத்தாழ்மை உள்ளவர்களுக்கு கிருபையைக் கொடுக்கிறார்.” ஆகவே, இறைவனுடைய வல்லமையான கரத்தின் கீழே உங்களைத் தாழ்த்துங்கள். அப்பொழுது ஏற்றவேளையில் அவர் உங்களை உயர்த்துவார்.’ (1 பேதுரு 5:5-6)

விதவைகளுக்கு

‘ஒரு விதவை உண்மையாகவே தேவையுடையவளாக இருந்தும், கைவிடப்பட்டுத் தனிமையாக இருந்தால், அவள் தனது எதிர்பார்ப்பை இறைவனிலேயே வைத்திருக்கிறாள். அவள் இரவும் பகலும் இறைவனிடம் மன்றாடுவதிலும், உதவி கேட்பதிலும் தரித்திருக்கிறாள். ஆனால் ஒரு விதவை உலக இன்பத்தில் வாழ்வதை விரும்பினால், அவள் வாழ்ந்தாலும் நடை பிணமே.’ (1 தீமோ. 5:5-6)

அனைவருக்கும் பொதுவானது

‘தன்னுடனொத்த மனிதனில் ஒருவன் அன்பு செலுத்தினால், அவன் நீதிச்சட்டத்தை நிறைவேற்றுகிறான்.’ (ரோமர் 13:8ஆ)

‘ஒவ்வொருவருக்காகவும் பரிந்து வேண்டுதல் செய்யுங்கள்.’ (1 தீமோ. 2:1-2)

லூத்தருடைய ஒவ்வொரு பாடத்தையும் கவனத்துடன் கற்றுணர்ந்து குடும்பத்தினர் அனைவரும் சிறந்த முறையில் மிளிர்ந்திட வேண்டும்.